كنت رايحة أجيب بنتي من المدرسة، واتصدمت لما لقيتها تبكي وهي بتدي كل الفلوس اللي معاها لسلفتي، وبتقولها بلاش ماما تعرف، وقتها قررت أفهم مخبية إيه عني ومهما كان اللي عملته هسامحها فيه وأنقذها من ضغط سلفتي عليها، بس اللي عرفته كان صعب حرفياً أصعب من إن عقل أم يتحمله!!!!
كنت راجعة من السوق، شايلة شنطة الخضار في إيدي وتعبانة، بس قلت أعدي على مدرسة بنتي حبيبة في سكتي، أجيبها معايا بدل ما ترجع لوحدها في الشمس.
أنا جوزي مسافر وبيشتغل في الإمارات وحبيبة دي بنتي الوحيدة، نور عيني عندها 14 سنة.
كانت طول عمرها آية في الأدب، متفوقة جداً، حافظة لكتاب ربنا، ومبتفوتش فرض، والكل كان بيحسدني عليها وعلى تربيتها وهدوئها.
بس من فترة كدة، الحال اتغير.. بدأت أشوف عليها حاجات غريبة مش لايقين عليها. بقت دايماً سرحانة وساكتة، عيونها زايغة، أكلها قل وبقى جسمها خاسس وشاحب. وكل شوية تيجي تطلب مني نزود المصروف، بحجة إن الأكل بقى غالي وهي بتجوع في المدرسة وسط اليوم.
ومرات تانية تيجي مرتبكة، ووشها أصفر، وتطلب مبالغ كبيرة شوية وتقولي يا ماما المدرسة طالبة مننا حاجات لتزيين الفصول، وعايزة أجيب كذا وكذا عشان النشاط.
وكنت أنا أديها علطول ومن غير ما أستخسر فيها مليم واحد؛ مهي بنتي، وحبيبتي، وأبوها متغرب هناك عشان ما تحسش إن ناقصها حاجة.
المهم، وصلت عند بوابة المدرسة، وكنت لسه هدخل جوه عشان أخدها، وفجأة اتسمرت في مكاني.. شفت بنتي واقفة في ركن جنب السور مع سلفتي عفاف مرات أخو جوزي.
في الأول استغربت، وقلت لنفسي عفاف معاها ولد هيه كمان في الدراية يمكن رايحة تاخد ابنها، بس اللي شوفته بعد كده وجع قلبي بجد.
لقيت حبيبة طلعت كل الفلوس اللي معاها من شنطتها، ومدت إيدها بتترعش وحطتهم في إيد عفاف، وقالت بصوت مكسور: والله ده كل اللي معايا النهارده، أنا حتى ماكلتش ولا اشتريت حاجة عشان أوفرهالك.
عفاف بصت للفلوس ببرود، وعدتهم، وبعدين بصت لها بتهكم وقالت: بقى أبوكي شغال في الإمارات، وراجل عالي، وده كل مصروفك؟ الكلام ده ما ينفعش يا حبيبتي، ده كده ما بقاش جايب همه ولا إيه؟
بنتي بكت بحرارة وقالت وهي بتترجاها: والله هذودهولك.. والله هجيبلك تاني بس بلاش ماما تعرف، أرجوكي يا طنط.. أرجوكي ارحميني.
عفاف ضيقت عينيها وقالت بضيق مصطنع: لولاش بس إنك بتصعبي عليا… المهم، الأسبوع ده.. عايزة 1000 جنيه عشان أجيب حاجة للولد، تتصرفي وتجبيهم وإلا إنتي عارفة هعمل إيه وهقول إيه.
حبيبة اتخضت وفتحت عينيها بصدمة وقالت وهي بتبكي بصوت مكتوم: ألف؟! ألف جنيه كتير قوي يا طنط.. أجيبه منين بس؟
في اللحظة دي، حسيت إن غضبي اشتد في عروقي، ونزل على عيني سحابة سودا. إزاي ست في مقام خالتها تستغل طفلة لسه مكملتش ١٤ سنة؟ إزاي تجرؤ تعمل فيها كده عشان أي غلطة عملتها.. مهما كانت!
استشاط غضبي، وعزمت جوه نفسي إني هدخل عليها حالاً، وأجبها من شعرها قدام الكل، وأخلص بنتي من الموقف ده ومن ضغط الست دي، ومهما كان اللي بنتي عملته.. أنا أمها وهسامحها وهحميها.
بس قبل ما أخد خطوة واحدة قدام، وقفت مكاني فجأة.. فكرت بيني وبين نفسي: اصبري شوية.. اسمعي منها الأول، اعرفي بنتك عملت إيه أصلاً يخليها خائفة بالشكل ده كله ومستسلمة للإهانة دي؟
وياريتني ما فكرت.. وياريت رجلي انكسرت قبل ما أقف وأسمع، لأن اللي عملته بنتي كان صعب.. صعب حرفياً أصعب بكتير من إن عقل أم يتحمله، وكأن الدنيا اتقفلت في وشي ومبقاش فيه أرض تشيلني!!!!!!
فضلت واقفة مكاني، مستخبية ورا عربية راكنة، وقلبي بيدق بطريقة عمري ما حسيت بيها قبل كده. كنت عايزة أطلع أجري على بنتي وأخدها في حضني، وفي نفس الوقت كنت خائفة من الكلام اللي ممكن أسمعه.
عفاف قربت منها وقالت بصوت واطي: إنتي فاكرة إن الفلوس دي هتخلص الموضوع؟ إنتي ناسية إن معاكي حاجة لو مامتك عرفتها مش هتقدر تبص في وشك تاني؟
حبيبة حطت إيديها على وشها وفضلت تبكي: والنبي يا طنط متفكرينيش، أنا ندمانة ومش هعمل كده تاني، والله تبت، أرجوكي سيبيني في حالي.
عفاف ضحكت بسخرية وقالت: توبة إيه بس؟ هو أنا لما أحتاج منك حاجة هفضل أفكرك كل شوية؟ إنتي اللي حطيتي نفسك في الموقف ده، ولازم تتحملي نتيجة غلطتك.
حبيبة ردت وهي بتترعش: أنا كنت صغيرة ومكنتش فاهمة، وإنتي قولتيلي إن الموضوع هيبقى سر بينا، وإن محدش هيعرف.
عفاف رفعت صوتها شوية: وفعلاً محدش عرف، ومحدش هيعرف طول ما إنتي بتسمعي الكلام. إنما لو فكرتي تفتحي بوقك، أنا هروح لأمك وأحكيلها كل حاجة، وهوريها كمان اللي معايا.
حبيبة شهقت من البكاء وقالت: لأ يا طنط، أرجوكي، ماما لو عرفت هتتعب من الصدمة.
في اللحظة دي حسيت إن قلبي اتخلع من مكانه. إيه اللي معاها؟ وإيه السر اللي بنتي خائفة منه للدرجة دي؟
عفاف مدت إيدها وخدت باقي الفلوس من حبيبة، وبعدها قالت: متنسيش الألف جنيه قبل يوم الخميس، ومش عايزة أسمع أعذار.
عفاف قربت منها وقالت بصوت واطي: إنتي فاكرة إنك لما تفضلي تبكي هنسى اللي حصل؟ فاكرة اليوم اللي كنتي فيه عندنا ووووو
التكملة في الجزء الثاني
