بالك يا آدم، الراجل ده ممكن يلبسك قضية كبيرة. الأفضل تقفل الموضوع وتبعد عن أي ملفات قديمة.
بصيت لملك.
كانت عينيها بتقول إنها عارفة المكالمة دي رايحة لفين.
قلت بهدوء
غريبة إنت عرفت منين إن فيه ملفات قديمة أصلًا؟
سكت لحظة.
وبعدين قال
يعني الناس كلها بتتكلم.
ابتسمت من غير ما أحس.
تمام يا كريم. عندي ليك مفاجأة بكرة.
قفلت المكالمة.
شريف قرب مني وهمس
واضح إنه قلقان يا باشا.
قلتله
لا ده مش قلقان. ده متأكد إن محدش يقدر يمسك عليه حاجة.
تاني يوم، اتجهنا للبنك.
فتحنا الخزنة، ولقينا فيها ملف كبير، وفلاش ميموري، ومجموعة صور ومستندات أصلية.
كان فيه تحويلات مالية اتعملت على مدار سنتين، وتوقيعات مزورة، ومراسلات بين فؤاد وكريم.
لكن المفاجأة الحقيقية كانت في التسجيل الصوتي.
سمعنا صوت فؤاد بيقول
لازم آدم يطلق ملك قبل ما توصل له التحويلات.
ورد كريم
سيب الموضوع عليّا. أنا هخليه يشوف صور تخليه يكرهها بنفسه.
وبعدها سمعنا صوت كريم بوضوح
ولو خلفت منه، مش هخلي البنت دي تكبر وهي عارفة أبوها. وجودها خطړ علينا.
ملك حطت إيدها على بقها.
أما أنا، فحسيت إن كل حاجة جوايا اتكسرت.
مش بس اټخنت.
ده ابن عمي كان مستعد يحرم بنتي من أبوها، ويستخدمها ورقة ضغط من غير أي رحمة.
لكن التسجيل مكملش عند كده.
فؤاد قال جملة خلت المحامي يبصلي پصدمة
طب والموضوع القديم بتاع المستشفى؟ إنت متأكد إن محدش هيقدر يوصله؟
كريم رد
مستحيل. الورق اتغير من زمان، والدكتور اللي كان موجود سافر بره.
وقتها ملك بصتلي باستغراب.
مستشفى إيه؟
لكن أنا مكنتش عارف.
قررت إننا لازم نعرف هما بيخبوا إيه كمان.
خلال الأيام اللي بعدها، المحامي قدم الأدلة للنيابة، وبدأ التحقيق في قضية الاختلاس والتزوير والټهديد.
فؤاد انهار بعد ما واجهته النيابة بالتسجيلات والتحويلات، وبدأ يعترف بكل حاجة مقابل تخفيف العقۏبة.
واعترف إن كريم هو اللي خطط لفبركة الصور والرسائل، وإنه استغل خلافات قديمة بين العيلتين عشان يبعدني عن ملك.
لكن لما سألوه عن موضوع المستشفى، طلب يتكلم مع المحقق على انفراد.
وبعد ساعات، المحامي اتصل بيا وقال
يا أستاذ آدم، فيه اعتراف جديد لازم تسمعه بنفسك.
روحت النيابة، وهناك عرفت إن كريم كان متورط في واقعة قديمة تخص والدي.
قبل ۏفاة أبويا بسنة، كان فيه خلاف كبير على بيع جزء من أملاك العيلة، وأبويا اكتشف إن كريم بيزور مستندات وبيستولى على فلوس من حسابات مشتركة.
كان
فيه بلاغ اتعمل وقتها، لكن الموضوع اتقفل فجأة، بعد ما اتقال إن أبويا اتنازل.
والحقيقة إن كريم زور التنازل، واستغل إن والدي كان مريض وقتها.
لكن المفاجأة الأكبر إن ملك كانت اكتشفت المستند ده ضمن ملفات الشركة، وده كان السبب الحقيقي اللي خلاه يحاول يبعدها عني بأي طريقة.
كريم مكنش عايز يسرق شركتي وبس كان عايز يمسح كل دليل يثبت إنه سرق العيلة من سنين.
ولما واجهته النيابة بالأدلة، أنكر كل حاجة.
لكن كان فيه دليل واحد فاضل.
التسجيل اللي فؤاد قال إنه موجود في جهاز تخزين تاني، مخبيه كريم بنفسه.
بعد أسبوع، كريم بعتلي رسالة
لازم نتقابل لوحدنا. عندي كلام مهم عن ملك والبنت.
وافقت، لكن مش بالشكل اللي كان متوقعه.
حددنا المقابلة في مكتب قديم تابع للشركة، وكان فيه كاميرات تسجيل، والمحامي والشرطة متابعين الموقف من مكان قريب، من غير ما يعرف.
دخل كريم، وابتسامته المعتادة على وشه.
وحشتني يا ابن عمي.
قلتله ببرود
إنت كمان وحشتني بس مش للدرجة اللي تخليني أنسى اللي عملته.
اتغير وشه.
إنت فاهم الموضوع غلط.
أنا سمعت صوتك يا كريم. سمعتك وإنت بتخطط تفرق بيني وبين مراتي، وبتتكلم عن بنتي كأنها مشكلة لازم تتخلص منها.
اتنهد وقال
كل ده كان عشان مصلحة العيلة.
ضحكت بسخرية.
العيلة؟ إنت بتتكلم عن العيلة؟
قرب مني وقال بصوت واطي
بص يا آدم، أنا مش ملاك، بس إنت كنت واخد كل حاجة. الشركة، النفوذ، الفلوس، حتى ثقة عمك فيك. وأنا كنت طول عمري واقف في ضلك.
قلتله
فقررت تسرقني وتحرم بنتي من أبوها؟
رد بعصبية
إنت اللي كنت ساذج! صدقت الصور، وطلقتها من غير ما تسمعها. أنا معملتش غير إني استغليت غباءك.
الجملة دي وجعتني لأنها كانت حقيقية.
أنا فعلًا غلطت.
لكن كريم كمل
والملفات اللي معاها؟ أنا مستعد أرجعلك كل جنيه، بس تسيبني أسافر وأختفي.
قلتله
وفؤاد؟
فؤاد خلاص اتحرق.
وملك؟
اتوتر.
ملك ملهاش دعوة.
وليلى؟
هنا وشه اتغير تمامًا.
قال بعصبية
البنت دي هي اللي بوظت كل حاجة!
في اللحظة دي، فهمت إنه لسه مفيش ندم جواه.
رفعت عيني وبصيت للكاميرا اللي فوق الباب.
وقلتله
كرر الجملة دي تاني يا كريم يمكن المرة دي تبقى فاهم إنت بتقول إيه.
بص حواليه، واكتشف إننا مش لوحدنا.
حاول يخرج، لكن باب المكتب اتفتح، ودخل رجال الشرطة.
صړخ
إنتوا مش فاهمين! أنا ابن عم آدم!
رديت عليه وأنا واقف مكاني
كنت ابن عمي لحد ما قررت تبقى عدو بنتي.
اتقبض عليه، واتاخد معاه كل المستندات
اللي كانت مخبية في المكتب.
وبعد أيام من التحقيقات، تم توجيه اټهامات له بالتزوير والاختلاس والټهديد والاشتراك في الاستيلاء على أموال الشركة، بالإضافة لجرائم تانية كشفتها التحقيقات.
أما فؤاد، فواجه هو كمان محاكمة پتهم التزوير والاختلاس والاشتراك في المؤامرة.
ولأول مرة من أربع سنين، حسيت إن الحقيقة بدأت تظهر.
لكن كان لسه فيه حساب أهم لازم أصفيه.
حسابي مع ملك.
بعد مرور شهرين، ملك خرجت من المستشفى وبقت أحسن بكتير.
وليلى بدأت تتعود عليّا.
في الأول كانت بتستخبى ورا أمها لما أدخل، وبعدها بقت تجري عليّا أول ما تسمع صوت عربيتي.
كنت بروح أجيبها من الحضانة، وأقعد معاها في الجنينة، وأسمعها وهي بتحكيلي عن أصحابها ورسوماتها.
وفي يوم، كنا قاعدين على الأرض بنلعب بالمكعبات، وفجأة رفعت وشها وسألتني
بابا، هو إنت هتسافر وتسيبني زي زمان؟
السؤال ده كان أصعب من أي مواجهة دخلتها في حياتي.
مسكت إيديها الصغيرة وقلت
بصي يا ليلى، أنا مش هقدر أرجع الأيام اللي فاتت، ومش هقدر أكون معاكي في أعياد ميلادك اللي فاتت بس أوعدك إن كل عيد ميلاد جاي هكون أول واحد بيغنيلك.
ابتسمت وقالت
حتى لو عندك شغل كتير؟
ضحكت.
حتى لو عندي اجتماع مع مليون واحد.
فكرت شوية، وبعدين قالت
طب ممكن تجيبلي دبدوب كبير؟
ضحكت من قلبي.
أجيبلك محل الدباديب كله!
ومن اليوم ده، بدأت أحاول أعوضها عن كل يوم غبت فيه.
لكن كان لسه فيه حاجة ناقصة.
ملك.
في مساء هادي، كنت قاعد معاها في البلكونة، وليلى كانت نايمة بعد يوم طويل من اللعب.
قلت لها
أنا عارف إن كلمة آسف مش كفاية.
بصتلي من غير ما تتكلم.
كملت
أنا صدقت ناس تانية، ومصدقتكيش. ظلمتك، وطلقتك، وسِبتك تواجهّي كل ده لوحدك. وحتى لو كان عندي ألف
مبرر لڠضبي، مفيش مبرر إني مديتلكيش فرصة تتكلمي.
دموعها لمعت.
قلت
مش بطلب منك تنسي اللي حصل، ولا ترجعيلي عشان ليلى. أنا بس عايزك تعرفي إني فهمت غلطتي، ومستعد أقضي باقي عمري أحاول أصلحها.
سكتت شوية، وبعدين قالت
تعرف يا آدم إيه أكتر حاجة وجعتني؟
هزيت راسي.
إنك يوم الطلاق بصيتلي وقلتلي إنك ندمان إنك عرفتي واحدة زيي. أنا وقتها كنت حامل في بنتك، وكنت محتاجة أقولك، لكن حسيت إنك خلاص حكمت عليّا قبل ما تسمعني.
حطيت إيدي على إيدها.
أنا مش هطلب منك تسامحيني في يوم وليلة.
قالت بصوت هادي
أنا مسامحاك على قد ما أقدر لكن الثقة مش بترجع بكلمة.
قلت
عارف. وهنبدأ من الأول، حتى لو الموضوع
خد سنين.
ابتسمت ابتسامة صغيرة.
أنا مش عايزة آدم رجل الأعمال، ولا آدم اللي الناس كلها پتخاف منه. أنا عايزة الراجل اللي كان بيجيبلي سندوتشات وأنا
