اتعرفت على واحده عن طريق المواقع ووعدتها اني هاطلق مراتي واتجوزها، لحد ما اتفاجأت انها هي نفسها مراتي وبتكلمني بحساب تاني، كنت مستغرب ليه مش بتصارحني بالموضوع ده ولا عاتبتني حتى، مكنتش اعرف انها كانت بتجهزلي مصېبه ډمرت حياتي كلها ووقتها بس فهمت سر سكوتها !!!!
أنا لحد دلوقتي مش مصدق إزاي الدنيا ممكن تلف اللفة دي، وإزاي البني آدم ممكن يصحى في يوم يلاقي نفسه خسر كل حاجة من غير ما يحس.
حياتي مع شهد مراتي أم أولادي كانت ماشية بسلام وطبيعية، عندنا ولدين هم الدنيا وما فيها، وصحيح الحياة مكنتش وردية وفيه ملل وتفاصيل بتضايق، بس عمري ما اتخيلت أهدم البيت ده بايدي.
الموضوع بدأ عادي جداً على فيسبوك، كنت منزل بوست عادي من بوستات الشغل اللي بنزلها عشان أروج لشغلي، ودخلتلي واحده ست برايفيت عرفتني عن نفسها وقالتلي اسمها مها وبقت تسألني عن تفاصيل معينة. حسيتها فاهمة
في المجال وبتتكلم بأسلوب محترم جداً .
شرحتليها اللي هي عايزاه، ومن هنا بدأت الحكاية تاخد شكل تاني. الكلام اتطور بسرعة غير طبيعية، وبقت بتعرف تدخل لقلبي وتفهمني أكتر من نفسي.
مفيش مره قدرت اسمع صوتها حتى كانت كل رسائلها مكتوبة، وكنت فاكر ده دليل على إن أخلاقها عالية، وده زود تعلقي بيها واحترامي ليها.
مع الوقت، ومع أول خناقة في البيت والحياة التقليدية ومشاكل الروتين المعتادة، لقيت نفسي بفضفض لها وبحكيلها على اللي جوايا، لحد ما اعترفت لها بصراحة إني مشدود لها وبحب كلامها
قالتلي إنها هي كمان معجبة بيه، بس أول ما عرفت إني متجوز حطت حدود ورفضت تكمل، وقالتلي بوضوح إنها مش ممكن تقبل تدخل بين راجل ومراته.
الجملة دي بدل ما تبعدني، خلتني أتعلق بيها أكتر وأتجنن، وفي لحظة طيش وضعف قلتلها إني كده كده بيفكر أطلق مراتي لأن حياتنا منتهية ومفيش بينا تفاهم.
بعد الكلمة دي، قفلت معايا ورفضت ترد تماماً. بقيت أبعت لها رسايل وهي ولا كأنها سامعة. حسيت إن روحي بتتسحب مني، وبقيت مش عارف أعيش ولا أتاقلم من غيرها.
الحالة دي انعكست على البيت كله وعلى مراتي الغلبانة؛ بقيت بتعصب لأتفه الاسباب، وأي كلمة توترني أعمل عليها خناقة، ودايما أنتقد طريقتها وأعاملها بجفاء، وكنت بستغرب جداً إنها بتسكت ومبتدخلش في خناقات زي الأول، وكنت بفتعل المشاكل عشان أقولها إننا مش متفاهمين وألمح لها إن الطلاق هو الحل الوحيد لينا احنا الاتنين.
لحد الليلة المشؤومة.. كنت قاعد بالليل ومراتي نايمة، وتليفوني فصل شحن وكنت محتاج أعمل مكالمة ضرورية جداً لأخويا.
من غير تردد مسكت تليفون مراتي وفتحته لأني عارف الباسورد كويس. وأنا بقلب، لقيت إشعار رسالة ماسنجر متعلقه مني ليها مع اني مش ببعت لها ماسنجر.
فتحت الشات، وهنا وقعت الصدمة اللي جمدت
الډم في عروقي.
قيت الشات هو هو.. نفس الحروف، نفس الكلام، نفس الرسايل اللي بيني وبين مها الست اللي وهمتني وجننتني هيا نفسها مراتي!!!!!
رميت التليفون وأنا مړعوپ ومش عارف أجمع أنا فين ولا إيه اللي بيحصلي.
مراتي شهد.. هي هي نفس مها الست اللي حبيتها واتعلقت بيها؟! طيب إزاي وليه عملت فيا كده؟ هل كانت بتختبرني وأنا فشلت في الاختبار بجداره واعترفت لها إني ممكن أبيع بيتي ومراتي عشان واحدة معرفهاش على السوشيال ميديا؟ بقيت هتجنن.. كنت حاسس بغليان جوة صدري، مش عارف أتخانق معاها ولا أعتذر لها، ولا أعمل إيه بالضبط.
نمت ليلتها اخر الليل وأنا محتار ومړعوپ وعقلي بينفجر من التفكير.
صحيت الصبح وأنا في حالة ذهول؛ كنت مستغرب جداً هي إزاي بتتعامل معايا بكل الهدوء ده وكأن مفيش أي حاجة في الدنيا حصلت؟ كانت بتحضر الفطار وبتتكلم عادي كأنها متعرفش حاجة، وكنت بمۏت من كتر ما كنت عايز
أفتح معاها الموضوع وأعرف سر السكوت ده كله، وأفهم هي بتفكر في إيه.
عدى أسبوع كامل على نفس الحال، أنا عايش في چحيم ساكت ومش قادر أنطق بحرف، وهي بتتعامل بمنتهى البرود والهدوء وكأن حياتنا المثالية مبتتهددش بالاڼهيار.
لحد ما في يوم .. كنت لابس ورايح شغلي، والباب خبط. قلت لمراتي وهي في المطبخ تروح تفتح، فبصتلي وبابتسامة هادية وغريبة قالتلي لا، افتح أنت.. اللي بيخبط برة ده عايزك أنت .
وقفت وانا مستغرب وسألتها وانتي عرفتي منين إنه عايزني أنا؟!
بصتلي بنفس الطريقه وقالت افتح الباب وشوف بنفسك.
روحت وفتحت الباب.. وهنا كانت المفاجأة الأكبر والمصېبة اللي وقعت على دماغي وهدت حياتي كلها في ثواني، ووقتها بس فهمت سر سكوتها وهدوئها الغريب !!!!
أول ما فتحت الباب، لقيت اتنين واقفين قدامي، واحد منهم محامي، والتاني راجل معرفوش، لكن المفاجأة إن المحامي كان ماسك ملف كبير،
وبصلي وقال
صباح الخير يا أستاذ، إحنا جايين لحضرتك بخصوص موضوع يخص أسرتك، وياريت تسمح لنا ندخل عشان نتكلم بهدوء.
حسيت إن رجلي مش شيلاني، وبصيت ورايا ناحية شهد، لقيتها واقفة في طرقة الشقة، حاطة إيديها على صدرها، وبتبصلي بنفس الهدوء اللي بقى مرعبني.
دخلتهم الصالة، والمحامي قعد وفتح الملف، وقاللي
أنا المحامي المسؤول عن الإجراءات اللي موكلتي طلبت مني أجهزها، ودي صورة من إنذار رسمي، ودي أوراق تخص طلب الطلاق وحقوق الزوجة والأولاد.
بصيت لشهد وقلت بصوت متقطع
إنتي عملتي إيه يا شهد؟! إنتي وصلتي الموضوع للدرجة دي؟!
ردت عليا بهدوء
أنا موصلتش حاجة يا محمود، إنت اللي وصلت بيتك للنهاية بإيدك، وأنا كل اللي عملته إني بطلت أغمض عيني عن الحقيقة.
صړخت فيها
طب ليه؟! ليه ډخلتي عليا بحساب تاني؟ ليه معاتبتيش؟ ليه فضلتِ ساكتة كل ده؟!
قعدت قدامي وقالت
عشان لو كنت واجهتك
من أول يوم، كنت هتنكر،
