
كنت راجع من الجيش، وأختي فاجأتني بأن نهى خطيبتي اتجوزت وسافرت مع جوزها، وبعد ست سنين كنت مع مراتي في فندق ولقيت نهى هناك بتقدم المشروبات، ومعاها طفل شبهي بالملي. مراتي بصتلي بدهشة لما شافت شكل الطفل، بس المفاجأة الأكبر كانت في اللي عملته نهى وقتها، واللي شوفته كان كوم واللي عرفته ساعتها كان كوم تاني خالص!!!
أنا اسمي حازم وحكايتي من العجايب!!!
كنت شاب لسه ببتدي أول خطوة في بناء مستقبلي، وكنت خاطب بنت عمي نهى، إنسانة حبيتها بجد ومن قلبي.
عمي كان راجل محافظ جدًا، لدرجة إنه منعني أكلمها في التليفون نهائي، وقالي بالحرف نهى ليك وانت ليها بس مفيش تليفونات ولا خروج لوحدكم لحد كتب الكتاب. وأنا عشان كنت مقدره وبحترم أخلاقه، كنت ساكت وراضي.
في الفترة دي كنت في الجيش، وكنت بأطمن على نهى وأعرف أخبارها من أختي باستمرار أوصيها عليها وأسألها عنها.
لكن اللي استغربته وحيرني، إن قبل نزولي بشهر تقريبًا، لقيت أختي كل ما أسألها عن نهى تتهرب مني بطريقة غريبة.
خلصت مدتي في الجيش، وكنت راجع البيت وقلبي بيطير من الفرحة، راجع أرتب لفرحنا.
دخلت البيت، وبدأت أسأل أختي عليها بلهفة، وهنا كانت المفاجأة الأولى اللي ما كنتش متوقعها. أختي قعدت تبكي وقالتلي وهي متأثرة خطيبتك نهى.. اتجوزت يا حازم.. وسافرت مع جوزها، أمانة عليك ما تزعل يا حبيبي دي متستاهلش.
حسيت ساعتها إن الدنيا بتلف بيا، ومبقتش قادر أستوعب اللي بسمعه… إزاي؟ إزاي ده يحصل؟ ده أبوها وعدني؟ إزاي بعد الوعد والاتفاق والحب ده تبيع بالسهولة دي؟
مسكت الموبايل وإيدي بتترعش، واتصلت بعمي.
رد عليا، وكان صوته مكسور وحزين جداً وقالي كل شيء قسمة ونصيب يا ابني.. نهى هي بنفسها اللي وافقت على العريس وعايزاه.. أنت لسه في أول طريقك وهي مش عايزة تشقى وتستنى.
كلمات عمي كانت قاسية عليا جدًا. اتصدمت أكتر، وحسيت إني مش قادر أتحمل القهر والوجع. إزاي تهون عليها سنيننا؟ إزاي تختار الفلوس والرفاهية على واحد كان عايش عشانها؟
عدت الفترة دي من حياتي بصعوبة بالغة، ومكنتش قادر أتجاوز اللي حصل بسهولة،
بس مع الوقت وتوفيق ربنا، ركزت في شغلي، وبدأت أقف على رجلي، وربنا كرمني وكبرت وبقيت في حتة تانية خالص.
اتعرفت بعدها على بنت ناس من عيله كبيرة ومحترمة، واتجوزناها، وعشنا حياة هادئة ومستقرة.
لحد ما في يوم، كنت حاضر مع مراتي حفل كبير عامله صديق لينا في فندق فخم وراقي.
كنت واقف جنب مراتي، بنضحك ونتكلم، وفجأة.. حصل اللي ماكنش على الخاطر ولا البال.
شفتها.. شفت نهى قدامي!
لكن ما كانتش نهى الهانم اللي سابتني عشان الغنى والرفاهية.. كانت لابسة لبس العاملين الموحد، وباين عليها التعب الشديد والإرهاق، ورغم كده كانت مرسومة على وشها ابتسامة باهتة ومجبرة، وهي بتلف على الترابيزات وتقدم المشروبات لرجال الأعمال والأثرياء اللي كانوا بيتعاملوا معاها بطريقة غير لائقة، وهي بتحاول بكل قوة تتجاهل نظراتهم وتكمل شغلها بكرامة مجروحة.
قلبي اتقبض، وكنت لسه هتحرك وأتقدم ناحيتها وفجأة.. حصلت المفاجأة الأكبر!
جه طفل صغير يجري عليها، وبقى يشد الجيبة بتاعتها وهو بيعيط عايزها. وهي نزلت لمستواه وقالت بصوت مسموع ومنخفض من كتر التوتر بس يا حازم.. ارجع المطبخ دلوقتي حالا!.
وقتها، المدير جه بسرعة وبصلها بانزعاج وقال بنبرة حادة أنا مش قلتلك ابنك يفضل جوة في المطبخ وما يطلعش للصالة؟ هو مش كفاية وافقتلك تخليه هنا؟!.
نهى وقفت وهي مرتبكة، ومسكت إيد ابنها وقالت بصوت كله انكسار أنا آسفة يا فندم.. والله مش هتتكرر تاني.. ولسه هتدخل بيه للمطبخ، لفت عينيها واتصدمت بيا!
الصينية وقعت من إيدها فجأة والكبايات اتكسرت وهي تجمدت في مكانها تماماً كأنها شافت حاجة مش متوقعة، وعينيها اتثبتت في عيني وهي مش قادرة تنطق حرف واحد.
في اللحظة دي، مراتي انتبهت للصوت وللي بيحصل، والتفتت عشان تشوف إيه الحكاية. بصت لنهى.. وبعدين بصت للطفل الواقف جنبها.. واتصدمت تماماً!
الدهشة ظهرت على ملامح مراتي، لما شافت وش الولد كويس.. كان نسخة مني بالملي، ملامحي، عيوني، تفاصيلي كلها مرسومة في وش الطفل ده! مراتي بصتلي باستغراب شديد واستفهام كبير، عينيها كانت بتسألني ألف سؤال في لحظة واحدة بس أنا نفسي محتاج اللي يجاوبني إيه
اللي أنا شايفه قدامي ده وإزاي ومليون إزاي؟؟؟؟
واللي عملته نهى وقتها خلانا مش قادرين نستوعب أكتر، اللي فات كله كوم، واللي عرفته ساعتها كان كوم تاني خالص!!!!!!
أول ما نهى شافتني، وشها اتغير تمامًا، وبصتلي بقلق، وبعدين بصت لابنها اللي كان واقف جنبها، وفجأة شالته بسرعة وحضنته لصدرها، ولفت وبدأت تتحرك بسرعة ناحية باب الفندق!
كانت مستعجلة كأنها عايزة تبعد عن المكان، وأنا فضلت واقف ثواني مش مستوعب اللي بيحصل، لكن أول ما شوفتها بتخرج من الباب، سيبت كل حاجة وجريت وراها.
مراتي كانت بتنادي عليا، لكن أنا ما سمعتش غير صوت خطواتي وأنا بجري ورا نهى.
خرجت للشارع، ولقيتها ماشية بسرعة وهي حاضنة ابنها، وبتلف يمين وشمال كأنها مش عارفة تروح فين.
لحقتها بعد مسافة، ومسكت إيدها وقلت بصوت عالي
استني هنا يا نهى! إنتي لازم تسمعيني وتجاوبيني على كل حاجة!
نهى اتخضت وشدت إيدها مني وقالت وهي مرتبكة
أرجوك يا حازم، سيبني أمشي… أنا معملتش حاجة!
قولتلها وأنا مش قادر أسيطر على انفعالي
معملتيش حاجة؟! طب والولد ده؟! إزاي شبهي كده؟! وإزاي وصل بيكي الحال إنك تشتغلي في مكان زي ده، وتعيشي الظروف دي؟! أنا عايز أفهم!
نهى كانت بتبصلي ودموعها نازلة، والولد مستخبي في حضنها وقلقان من صوتنا.
قالتلي بصوت مبحوح
ابعد عني يا حازم… أرجوك، مش عايزة أفتكر أي حاجة من اللي فات.
في اللحظة دي، سمعت صوت مراتي من ورايا
حازم! إيه اللي حصل؟ ومين الست دي؟!
بصيت لمراتي، ولقيتها واقفة قدامي وعينيها مليانة أسئلة، وبعدها بصت للطفل اللي في حضن نهى.
خدت نفس طويل وقلت
دي نهى… بنت عمي وخطيبتي القديمة.
مراتي بصتلي باستغراب، وبعدين قالت
خطيبتك القديمة؟!
هزيت راسي وقلت
أيوه، والموضوع أكبر من كده بكتير. أنا نفسي مش فاهم حاجة، وعشان كده لازم نقعد إحنا التلاتة ونتكلم بهدوء.
نهى حاولت تعترض، لكني قلتلها
مش هطلب منك غير إنك تحكيلي الحقيقة، وبعدها انتي حرة تعملي اللي انتي عايزاه.
بعد شوية قدرنا نقنعها تقعد معانا في مكان هادي قريب من الفندق.
قعدت نهى في ركن بعيد، وكانت حاضنة ابنها ومش راضية تسيبه من حضنها، والولد حاطط راسه على كتفها، وكل شوية يبصلي بخجل.
أما مراتي مي، فكانت قاعدة جنبي وساكتة تمامًا، لكنها كانت متابعة كل حركة بتحصل.
بدأت نهى تتكلم، وكل كلمة كانت بتطلع منها بصعوبة.
قالت وهي بتمسح دموعها
؟؟؟
التكملة في اللينك التاني




