
خطيبي القديم حكايات زهرة حصري
زي التلج لاني عمري ما سمحتله يتعدى حدوده معايا بالشكل ده أصلاً، وكنت دايما اصده عشان كده كنا دايماً بنختلف ونسيب بعض.
اتغاظت جداً، كنت هطلع أفركش وشّه وأقوله كفاية قلة أدب وكذب، بس مسكت نفسي بصعوبة.
في اللحظة دي، سمعت صوت هشام بيرد وبيقول أحسن.. كويس إنك سبتها! ولو عايز رأيي يا أحمد، الواحد ميضمنش اي واحده اتعرفت على راجل غيره ، والراجل العاقل بجد يتجوز واحدة متكونش عرفت أي راجل قبله خالص.. ساعتها بس هترتاح وهتحس إنك ماخدتش حاجة مستعملة!.
الكلام كان سم بيلسع في قلبي. حسيت إن روحي بتتسحب مني. في اللحظة دي، خدت القرار الصعب.. مش هعيش في الخۏف
ده تاني. لو هيطلقني براحته المهم اخلص من الكدب ده!
أول ما أحمد مشي، ناديت على هشام بصوت مسموع يدخل الأوضة..
دخل، وبصلي باستغراب وشي كان أصفر وعيوني مليانة دموع. قعدت وحكتله كل حاجه.
.. مستنية ېصرخ، يضربني، يكسر الدنيا فوق دماغي، أو يطلقني في نفس اللحظة..او حتى تحصل معجزه و يبقى حنين ويقولي سامحتك..
بس فتحت عيوني على اغرب رد فعل منه.. شي ميستوعبهوش العقل أبدا خلاني مش قادره انطق من الصدمه !!!!
بصيت له وأنا مش قادرة أستوعب رد فعله، لقيته بيبصلي بهدوء غريب، وبعدها ابتسم ابتسامة صغيرة وقال
خلصتي يا نيرة؟
بصيت له باستغراب وقلت أيوه… خلصت، بس إنت
مش هتقول حاجة؟ مش هتسألني إزاي وليه؟ مش هتتعصب؟
ضحك وقال طب ما أنا عارف يا نيرة!
حسيت إن قلبي وقف مكانه، وبصيت له وأنا مش فاهمة عارف إيه؟
قال بمنتهى الهدوء عارف إن أحمد كان خطيبك القديم، وعارف إنكم كنتوا مخطوبين سنة كاملة كمان!
حطيت إيدي على بقي من الصدمة وقلت إنت عرفت منين؟!
رد عليا وقال من أمك يا ستي!
اتسمرت مكاني، وحسيت إن الأرض بتلف بيا، وقلت أمي؟! أمي قالتلك؟!
هشام هز راسه وقال أيوه، أمك من زمان حكتلي إنك كنتي مخطوبة قبل ما تتجوزيني، وإن الخطوبة دي انتهت بسبب خلافات بينكم. وقالتلي إنها كانت عايزة تقولي من الأول، بس إنتي كنتي خاېفة من رد فعلي،
وطلبت مني ما
فتحش الموضوع معاكي عشان ما تحرجكيش.
وبعدين كمل وهو بيبتسم وما اكتفتش بالكلام، دي كمان ورّتني صور خطوبتكم القديمة. وأول ما شفت أحمد يوم ما جه يطلب المقشة، عرفت إنه هو نفسه الشخص اللي في الصور!
فضلت باصة له وأنا مش قادرة أنطق، وبعد شوية قلت بصوت متقطع يعني إنت من أول يوم كنت عارف إنه خطيبي؟!
قال أيوه، من أول يوم.
ساعتها دموعي نزلت من غير ما أحس، وقلتله بعتاب طب وإنت سكت ليه؟! ليه سيبتني عايشة كل الخۏف ده؟ ليه كنت بتعزمه عندنا كل شوية وأنا قلبي بيتقطع من الړعب؟
هشام قرب مني وقعد جنبي وقال زي ما قولتلك يا نيرة، أنا كنت مستنيكي
تصارحيني بنفسك. كنت عايز أشوف إذا كنتي هتختاري الصراحة ولا هتفضلي خاېفة مني ومن رد فعلي.
سكت لحظة وبعدين قال وعشان كده كنت بعزمه عندنا. كنت مستني اللحظة اللي تضايقي فيها من وجوده، وتخرجي تقوليلي إنه خطيبك القديم، وإنك مش مرتاحة لوجوده في بيتنا. كنت عايز أديكي فرصة تتكلمي من نفسك من غير ما أضغط عليكي.
بصيت له وقلت بس إنت كنت بتقول كلام صعب أوي قدامه، وخصوصاً لما قلت إن الراجل لازم يتجوز واحدة ما عرفتش غيره!
وشه اتغير شوية وقال أنا كنت متضايق من الكذب يا نيرة، مش من إن كان ليكي ماضي قبل ما تعرفيني. وأنا مش هكدب عليكي، أنا فعلاً
غيرت من وجوده حواليكي، ومكنتش مرتاح إنه كل شوية يدخل بيتنا ويقعد معايا كأنه واحد من العيلة، خصوصاً إنه كان بيحاول يلفت نظرك بكلامه وتصرفاته.
وبعدين مسك إيدي وقال بس فيه فرق كبير بين إني أغير عليكي وبين إني أشك فيكي. أنا النهارده عندي ثقة فيكي تخليني متأكد إنك ست محترمة، وإنك عمرك ما عملتي حاجة تخليني أشك فيكي. أنا عرفت من كلام أمك إن خطوبتك انتهت من زمان، وعرفت كمان إنك كنتي رافضة تجاوزاته، وده كان سبب من أسباب الخلاف بينكم.
اټصدمت من كلامه، وسألته يعني إنت مصدقني؟ مصدق إني مكنتش بسمحله يتعدى حدوده معايا؟
قال بثبات أيوه يا
نيرة،




