عام

روايه كاملة

ماتي ولدت في ال.. وجوزي طلب مني أخدمها وأنا لسه والدة من 18 يوم!
ما كملش 18 يوم على ولادتي لأول طفل لينا، إلا وجوزي طلب مني أروح أخدم أمه اللي لسه والدة هي كمان، وعندها 53 سنة!
فضلوا مخبيين عني حملها طول 9 شهور، والمصېبة الأكبر إنهم استخدموا الفلوس اللي تعبت وشقيت عشان أوفرها لمستقبل ابني، وصرفوها على الطفل ده!
ما صرختش، وما دخلتش في خناقة معاه.
لكن بعد ما اكتشفت الحقيقة، قررت أتصرف بهدوء. ولما جوزي رجع البيت، ما لقانيش أنا وابني فيه.
كل اللي سبتُه ورايا كان جواب واحد، غيّر كل حاجة.
أنا اسمي مريم، عندي 30 سنة، وبعيش في القاهرة مع جوزي أحمد.
بقالنا 3 سنين متجوزين.
كنت فاكرة إن علاقتنا مبنية على الثقة، وإن مفيش بينا أسرار ممكن تتخبى عن بعض.
لكن طلعت غلطانة.
كان عدى 18 يوم بس على ولادتي بأول طفل لينا، يوسف.
كنت نايمة على السرير، وهو نايم جنبي في سريره الصغير.
چرح العملية القيصرية لسه بيوجعني، وكنت بحس بدوخة كل ما أقوم بسرعة.
وبالكاد كنت بعرف أنام ساعتين متواصلين بالليل، بسبب مواعيد الرضاعة واحتياجات البيبي.
كانت الساعة 7 بالليل

لما أحمد رجع من الشغل.
كان معاه كيس فيه شوية تفاح.
حطه على الترابيزة وقال
طلبت لنا العشا جاهز، عشان متتعبيش نفسك في تحضيره.
سألته
أخبار ماما إيه؟
بقاله أسبوعين بيقولي إن أمه في المستشفى بسبب مشاكل في ضهرها، وإنها محتاجة راحة وعلاج.
وحتى لما ولدت، ما جتش تزورني ولا حتى تطمن عليّا بالتليفون.
رد أحمد
بقت كويسة، وشهيتها رجعت وبتاكل كويس.
افتكرت إن الكلام خلص عند كده، لكن قبل ما أدخل الأوضة، فاجأني بكلامه
آه، على فكرة، ماما ولدت هي كمان امبارح. جابت ولد، وزنه حوالي 3 كيلو و جرام.
وقفت مكاني مش قادرة أستوعب اللي سمعته.
بصيت له وسألته
إيه؟!
كرر كلامه بمنتهى الهدوء، كأنه بيحكيلي خبر عادي
بقولك ماما ولدت امبارح.
بصيت له پصدمة وقلت
أحمد، أمك عندها 53 سنة!
رد ببرود
عارف، والحمل كان خطړ عليها فعلًا، والدكاترة قالوا إنه حمل صعب، بس الحمد لله هي والبيبي بقوا كويسين.
حسيت إن جسمي كله تلج، وعقلي مش قادر يستوعب اللي بيقوله.
سألته وأنا بحاول أسيطر على صوتي
وإنتوا عارفين من إمتى؟
رد من غير ما يبصلي
من السنة اللي فاتت.
في اللحظة دي، حسيت إن نفسي
اتسحب مني.
طول الفترة اللي كنت فيها بتعب من الوحام والترجيع لوحدي، كانت حماتي حامل هي كمان!
وطول ما كنت بروح كشوفات الحمل لوحدي، وأحاول أتحمل مشقة المشاوير والتعب، أحمد كان بيقول إنه مشغول ومش قادر ييجي معايا.
طلع في الحقيقة بيروح مع أمه!
كل عيلته كانوا عارفين بالحمل، وكانوا متفقين يخفوا الموضوع عني، وكأني شخص غريب عنهم.
سألته بمرارة
ليه خبيتوا عليّا حاجة زي دي؟ إزاي كل الناس تعرف وأنا آخر واحدة أعرف؟!
قال
ماما مكنتش عايزة مشاكل، وإحنا كنا عارفين إنك هتزعلي.
بصيت له باستغراب وقلت
أزعل ليه أصلًا؟ هو أنا مالي بحياتها؟ دي حياتها وهي حرة فيها، لكن ليه الكدب وإخفاء الحقيقة عني؟
رد بسرعة
خلاص، مش وقته نتكلم في الموضوع ده. عندنا مشكلة أهم لازم نحلها.
قعد أحمد على الكنبة، وكأنه بيناقش معايا موضوع عادي، وبعدها بدأ يشرح
مفيش حد هيقدر يهتم بماما، وبابا كمان ركبته تعباه ومش قادر يتحرك كويس. وفوق كل ده، أجر أي ممرضة أو واحدة تيجي ترعاها غالي جدًا.
فضلت باصة له من غير ما أرد، مستنية أعرف هو عايز يوصل لإيه.
وبعد لحظات قال
عشان كده، الأسبوع
الجاي هتروحي تقعدي عندهم شوية.
سألته
أروح أقعد عندهم

السابق1 من 7
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى