
خليت ابن عمي المعاق ذهنيا يكره اختي بعد ما كان روحه فيها
لاني عرفت انه هيورث ملايين، وعملت كل جهدي واتجوزته انا ، بس لما صحيت تاني يوم الفرح لقيته بيعمل مصېبه مفيش عقل يتصورها ورجليا مكانتش شيلاني من اللي شيفاه قدامي واتمنيت لو سبته يتجوز اختي ولا وقعت في الكارثه دي !!!!
علا أختي كانت مخطوبة لابن عمنا مؤمن. مؤمن ده مكنش زي أي شاب؛ كان معاق ذهنياً، وتصرفاته زي الأطفال الصغيرين، عقله مكنش بيكبر.
مؤمن كان بېموت في علا وروحه فيها. كان بيعتبرها مش خطيبته وبس، دي كانت بالنسبة له أمه وكل دنيته. وهي الصراحة كانت رحيمة جداً بيه، ومخطوباله بمزاجها عشان
تراعيه وتكسب فيه ثواب.
أنا وقتها مكنش هاممني الهبل ده كله، وكنت بشوفها بتضيع شبابها مع واحد زي ده. قعدت انصحها كتير وقلتلها يا بنتي دي مش جوزة، دا ډفن بالحيا!، بس هي معبرتنيش ولا كأنها سامعة حاجة، فسبتها على راحتها.. لحد ما عمي ماټ، وهنا الصدمة اللي غيرت مجرى حياتنا كلنا.
عمنا الله يرحمه طلع ساب وراه ثروة وملايين محدش كان يعرف عنها حاجة! ومكنش قايل عليها لحد لأنه كان عايز اللي تتجوز ابنه تكون عشانه هو بشخصه، مش عشان فلوسه. ولقيناه سايب الملايين دي كلها لابنه مؤمن تحت وصاية أمه.
وقتها.. كل خطتي اتغيرت في ثانية بدأت أروح عند مؤمن البيت وأقعد معاه
زي ما علا بتعمل، بس هو في الأول مكنش قابلني أبدا وكان بيكش مني.
لحد ما جاتني فكرة شيطانية؛ بدأت أزن في ودنه وأفهمه إني جاية عشانه وخاېفة عليه، وإني جاية أوعيه، وقولتله إن علا بتكرهه ومستنية تتجوزه عشان تضربه كل يوم، وتبهدله، وتخليه يخدمها ويعمل شغل البيت.
في الأول مشاني ومكانش مصدقني خالص، بس أنا مابطلتش. بعد كام يوم روحتله وشغلتله فيديو مزيف أنا عملاه بالذكاء الاصطناعي لصوت وصورة علا، وهي بتقول فيه إنها مستنية تتجوزه عشان تضربه وتخليه يخدمها، وبتضحك فيه بطريقة تخوف.
مؤمن بقى يبكي وصدق الكدبة جداً! ومع إن الفيديو كان واضح إنه مزيف
وفيه لعب،
س هو عشان عقله طفل مكانش فاهم أي حاجة خالص، وصدق كل حرف.
من بعدها، بقى يترعب من علا ويرفض يكلمها أو يقابلها تماماً، وكل ما يشوفها يقعد يصوت ويقول شريرة.. شريرة!، وأمه بقت تبعد علا عنه عشان ميزعلش ولا يتعب، وأنا بقيت أروحله كل يوم، أجبله لعب وأكل وحاجات حلوة لحد ما اتعود عليا وبقى يستناني.
وجا اليوم اللي غير كل حاجة؛ مؤمن دخل مع امه وقاله انهم عايزينه يتجوزني انا.. مش علا!.
أختي علا بكت واڼهارت يومها بشكل يقطع القلب. والصراحة، في الوقت ده، كانت مضحكاني جداً! كنت مستغربة إزاي زعلانه أوي كده على واحد أهبل بالشكل ده!
دي أي واحدة
غيرها كانت تقول الحمد لله إنها خلصت منه ومن مسؤوليته، خصوصاً وإني عارفة أختي كويس وعارفة إن موضوع الفلوس ده أصلا عمره ما كان في بالها ولا همها مليم واحد. فكرة إنها زعلانة عشان بتحبه لشخصه كانت بالنسبة لي حاجة عبثية وبتضحكني قوي.
وعدى وقت قصير جداً.. قصير لدرجة إني مالحقتش أفكر، واتجوزته!
دخلنا بالليل، وهو كان قاعد مش فاهم أي حاجة في الدنيا ولا يعرف أصلاً يعني إيه حياة زوجية، بس ده كان آخر همي في اللحظة دي.. انا مكنتش عايزه جواز كنت عايزه أمن نفسي، واضمن قرشين حلوين يخلوني أعيش أميرة، وقولت لنفسي ما هي كده كده جوازة هخلص منها وأطلق منه
بعد ما أطمن على مستقبلي وخلاص!.
وكنت نايمة بالليل وكل حاجة في دماغي زي الفل.
لحد ما صحيت تاني يوم الصبح بدري على مصېبة هدت حيلي ومستحيل عقل بشړي يتصورها!
المنظر اللي شفته ولقيت مؤمن بيعمله في الأوضة قدامي.. خلى برجليا مش شايلاني من الصدمه و تمنيت لو كنت سيبت مؤمن لاختي علا.. تتوكس بفلوسه، وتتزفت بكل حاجة، ولا إني وقعت في الکاړثة دي اللي مش عارفة هطلع منها إزاي!!!!!
كنت واقفة مكاني ومش قادرة أصرخ حتى، عيني مفتوحة على آخرها، ومخي مش مستوعب اللي بيحصل قدامي!
مؤمن كان قاعد على الأرض، وحواليه كل اللعب اللي أنا كنت جايباهاله، وكان ماسك صورتي
وصورة علا

