
لبيت ما أبعتش حد.
دينا يعني إنتِ كنتِ عارفة إنه رايح لابني؟
ريهام أيوه.
دينا ولما ياسين اتصل، عرفتي إنه هو؟
ريهام أيوه.
دينا وسمعتيه بيطلب المساعدة؟
ريهام أيوه.
دينا وقفلتي في وشه؟
ريهام هزت راسها.
ريهام أيوه.
سكت المكان كله.
بعد لحظات، طلعت من شنطتها ورقة.
ريهام دي نسخة من رسالة هشام ليا قبل الحاډث. كان بيقولي فيها إنه لازم ياخد الفلاشة مهما حصل.
المحامي أخد الورقة وبدأ يراجعها.
دينا فيه حاجة تانية؟
ريهام بصتلي پخوف.
ريهام أيوه. فيه تسجيل.
دينا تسجيل إيه؟
ريهام هشام اتصل بيا بعد الحاډث، وكان فاكر إن المكالمة اتقفلت، لكنه فضل يتكلم. التسجيل اتسجل تلقائي على النظام، وأنا احتفظت بنسخة منه.
دينا وإيه اللي فيه؟
ريهام صوته وهو بيقول لحد إن الولد وقع، وإنه لازم يخلصوا على الفلاشة قبل ما أمه ترجع.
حسيت ببرودة في جسمي.
دينا التسجيل معاكي؟
ريهام أيوه.
طلعت الموبايل، وفتحت التسجيل.
سمعنا صوت هشام واضح
الولد وقع، وأنا مش عارف هو شاف إيه قبل ما يقع. المهم محدش يجيب سيرة الفلاشة. ريهام قالت إن مفيش بلاغ اتسجل، يبقى الموضوع اتقفل.
وبعدها صوت الراجل التاني
طب والأم؟
هشام دي بره البلد. ولما ترجع هنكون خلصنا كل حاجة.
وقفت التسجيل.
كنت حاسة إني عايزة أصرخ.
لكن بدل ما أصرخ، قلت بهدوء
دينا شكرًا يا ريهام.
ريهام بصتلي باستغراب.
ريهام إنتِ بتشكريني ليه؟
دينا عشان أخيرًا قررتي تقولي الحقيقة. لكن ده مش معناه إني سامحتك.
ريهام نزلت عينيها.
ريهام أنا مش مستنية تسامحيني.
المشهد الرابع عشر فؤاد منصور يظهر
بعد يومين، المحامي سامح اتصل بيا وقال إن فيه حد طلب يقابله.
الاسم كان فؤاد منصور.
نفس الشخص اللي كان ظاهر في صورة محمود.
طلب يقابلني في مكتبه، ووافقت بعد ما اتفقنا إن المحامي يكون موجود.
دخل فؤاد، وكان راجل في الخمسينات، لابس بدلة غالية، وبيتكلم بثقة كبيرة.
فؤاد مدام دينا. سمعت إنك رجعتي وبتدوري في أوراق قديمة.
دينا وسمعت إن حضرتك كنت شريك في سړقة أموال جوزي.
فؤاد ابتسم.
فؤاد الكلام ده اتهام خطېر.
دينا عشان كده أنا معايا أدلة.
فؤاد الأدلة ساعات بتكون مضللة.
دينا والتسجيلات؟
فؤاد أي تسجيل ممكن يتفبرك.
دينا والتوقيعات؟
فؤاد ممكن تتزور.
دينا والتحويلات البنكية؟
فؤاد سكت لحظة.
وبعدين قال
فؤاد اسمعي يا دينا، أنا مش عايز أعمل مشاكل. عندي استعداد أساعدك ماديًا، وأضمن لابنك أحسن علاج، ونقفل الصفحة دي.
بصيتله باستغراب.
دينا حضرتك بتعرض عليا فلوس؟
فؤاد أنا بحاول أحل الموضوع بشكل ودي.
دينا ابني مش محتاج فلوسك. ابني محتاج يعرف مين اللي حاول ېقتله، ومين اللي ساعده.
فؤاد محدش حاول ېقتله.
دينا يبقى ليه بتعرض فلوس؟
فؤاد ابتسم ابتسامة باردة.
فؤاد لأنك أم، وأنا مقدر ظروفك.
قربت منه.
دينا وأنا أم فعلًا. وعشان كده مش هسيب حق ابني يضيع.
قام من مكانه.
فؤاد فكري كويس. الدنيا مش دايمًا بتمشي زي ما إحنا عايزين.
دينا وأنا فكرت كويس. اتفضل.
خرج فؤاد، لكن قبل ما يقفل الباب، قال
فؤاد اسألي نفسك يا دينا، مين اللي كان سايق العربية ليلة حاډث محمود؟
الجملة دي كانت كفيلة تفتح چرح قديم.
بعد ما خرج، بصيت للمحامي.
دينا هو يقصد إيه؟
سامح لازم نرجع لملف الحاډث.
المشهد الخامس عشر الحقيقة اللي وجعتني أكتر
بدأنا نراجع كل المستندات القديمة.
اكتشفنا إن محمود ليلة الحاډث كان راجع من اجتماع مع المحامي سامح، وكان فيه شخص تاني قابله قبل ما يتحرك.
الشخص ده كان هشام.
لكن المفاجأة إن تقرير الحاډث الأصلي اتعدل بعد ساعات من وقوعه.
كان فيه شهود قالوا إن عربية تانية كانت بتلاحق عربية محمود، لكن شهادتهم ما اتسجلتش في المحضر النهائي.
اتصلنا بأحد الشهود، وكان اسمه عادل.
عادل وافق يقابلنا.
لما وصل، كان متوتر جدًا.
عادل أنا كنت خاېف أتكلم وقتها.
دينا ليه؟
عادل هشام جهلي بعد الحاډث، وقاللي لو قلت إني شوفت عربيته ورا محمود، هيدخلني في قضية.
دينا إنت متأكد إنك شوفت هشام؟
عادل أيوه. أنا كنت راجع من الشغل، وشوفت عربية محمود ماشية بسرعة، ووراها عربية هشام.
سامح وشوفت إيه بعد كده؟
عادل العربية التانية قربت منه عند المنحنى، وبعدها عربية محمود خبطت في الحاجز.
دينا يعني هشام كان وراه وقت الحاډث؟
عادل أيوه.
سكت شوية، وبعدها قال
عادل وفيه حاجة تانية. بعد الحاډث، شفت فؤاد منصور واقف مع هشام، وكانوا بيتكلموا بعيد عن الناس.
حسيت إن كل الخيوط بدأت تتجمع.
لكن كان فيه سؤال واحد لسه مش لاقياله إجابة.
هل هشام كان سبب ۏفاة محمود فعلًا، ولا كان مجرد شريك في السړقة؟
المشهد السادس عشر ياسين يفتكر تفصيلة مهمة
رجعت المستشفى، ولقيت ياسين قاعد وبيحاول يرسم في كراسة.
قعدت جنبه.
دينا عامل إيه يا بطل؟
ياسين أحسن يا ماما.
دينا نفسك في حاجة؟
ياسين نفسي أرجع أجري.
ابتسمت وأنا بحاول أخبي دموعي.
دينا وهترجع يا حبيبي. يمكن مش بنفس السرعة، ويمكن الطريق يبقى أصعب، بس هترجع تعمل اللي بتحبه.
ياسين ماما، أنا افتكرت حاجة.
دينا إيه يا قلبي؟
ياسين ليلة الحاډث، قبل ما عمي يدخل الأوضة، سمعت تليفونه بيرن. كان بيتكلم مع حد وبيقوله إن الموضوع لازم يخلص قبل ما دينا ترجع.
دينا وبعدها؟
ياسين قاله كمان إن محمود كان سايب نسخة تانية عند حد، وإنه لازم يعرف مكانها.
دينا إنت متأكد؟
ياسين أيوه. وكمان سمعت اسم فؤاد.
بصيتله پصدمة.
ياسين ماما، هو عمي كان له علاقة بمۏت بابا؟
ما عرفتش أرد بسرعة.
ياسين أنا عايز أعرف الحقيقة.
مسكت إيده.
دينا هنعرفها يا حبيبي. بس عايزاك تركز في علاجك دلوقتي.
ياسين حاضر.
وبعد شوية قال
ياسين ماما، أنا مش زعلان عشان رجلي اتكسرت قد ما أنا زعلان إن طنط ريهام ما ساعدتنيش.
حسيت إن الكلام دخل قلبي زي السکينة.
ياسين أنا كنت فاكر إن العيلة عمرها ما تسيبنا.
دينا مش كل اللي من دمنا بيبقوا أهل يا ياسين. الأهل هما اللي يقفوا جنبك وقت ما تحتاجهم.
ياسين حضنني.
وفي اللحظة دي عرفت إن أكبر معركة عندي مش بس إني أجيب حقه، لكن إني أرجعله إحساس الأمان اللي اتسرق منه.
المشهد السابع عشر الخطة الأخيرة
الأستاذ سامح قدر يوصل لنسخة من تقرير الحاډث الأصلي، وقدم طلب رسمي لإعادة فحصه.
وفي نفس الوقت، التسجيلات اللي قدمها عم صابر وريهام اتسلمت للجهات المختصة، وبدأ التحقيق في واقعة الاعتداء على ياسين وتعمد عدم الاستجابة لبلاغه.
أما فؤاد، فبدأ يحاول يتواصل مع أشخاص كتير عشان يعرف إيه اللي معانا.
لكن المفاجأة حصلت لما المحامي سامح اتصل بيا في نص الليل.
سامح دينا، لازم تيجي المكتب حالًا.
دينا فيه إيه؟
سامح وصلني جواب من شخص كان شغال مع محمود، وفيه معلومة مهمة جدًا.
دينا إيه هي؟
سامح محمود قبل الحاډث بيوم واحد كان سلم نسخة من المستندات لشخص موثوق، والشخص ده عنده التسجيل الأصلي اللي بيثبت إن هشام وفؤاد كانوا متفقين على تزوير العقود.
دينا مين الشخص ده؟
سامح مش هقولك على التليفون. تعالي.
روحت المكتب، ولقيته قاعد مع راجل في الأربعينات.
سامح دينا، ده الأستاذ شريف، كان المدير المالي للشركة وقت محمود.
شريف قام وسلم عليا.
شريف البقاء لله يا مدام دينا.
دينا ونعم بالله. حضرتك تعرف إيه؟
شريف أنا كنت عارف إن محمود اكتشف التلاعب، وكنت ساعدته يجمع الأدلة. قبل الحاډث بيوم، سلمني نسخة من التسجيلات الأصلية، وقاللي أخبيها لحد ما يقدر يتصرف.
دينا وإنت خبيتها فين؟
شريف في خزنة بنكية باسم الشركة، ومعاها مستندات تثبت إن هشام وفؤاد كانوا بيحولوا الفلوس لحسابات خارجية.
سامح لكن فيه حاجة أخطر.
دينا إيه؟
شريف فتح ملف.
شريف فيه تسجيل صوتي لاجتماع حصل قبل ۏفاة محمود بأسبوع.
شغل التسجيل.
صوت فؤاد كان واضح
محمود بدأ يشك في كل
حاجة. لو سلم الورق ده،




