
حاول هشام أن يتوازن ثم قال وهو يضع يده علي جانب فمه: واللي أنت بتعمله ده مش تعدي يامحترم…
آدم: عندك حق… مينفعش أتعدي على حرمة زيك…
هشام: ماتحترم نفسك ياآدم… واعرف أنت بتقول ايه.
آدم: وهو انت احترمت نفسك اما روحت لمراتي بيتي وانا مش موجود.
هشام بتهكم: جوازة مؤقتة… والحق هيرجع لصحابه.
آدم بعصبية وهو يمسكه من ياقته: حق إيه ياو*** ومحافظتش علي الحق ده زمان ليه…. الحق اللي بتتكلم عنه ده حقي أنا وهيفضل حقي طول العمر… وافهم ياأقذر خلق الله ان كدبتك عليها برحيل أمها دي هتخيل عليا… لا يا…دوك دا انا اقسم بالله زي ماجيبتك هنا هرجعك مصر واخليك هناك تشحت… وهعرفك انك مش اد آدم المكاوي.
ظهر التوتر علي وجه هشام عندما ذكر آدم مغادرته البلد: أنا مكدبتش عليها… انت ممكن بسهولة تتاكد من كده عن طريق حد من معارفك في مصر… وأنا كنت بعزي ميار بحكم العشرة اللي بينا ومعرفش انها مكنتش تعرف.
دفعه آدم بقوة مرة أخرى: متجبش سيرتها علي لسانك… واقسم بالله لو قربت منها تاني لهمحيك من علي وش الدنيا يا كلب… ثم ألقاه وخرج.




