
قربت أكتر، ولفيت الإزازة بإيدي عشان أشوف اللي جواها بوضوح. وفجأة… شوفت حاجة خلتني أحط إيدي على بقي من الصدمة! رجعت خطوة لورا، وبصيت ناحية باب المطبخ أتأكد إن خالد لسه نايم. وبعدين رجعت بصيت للإزازة تاني.
اللي شوفته مكنش مجرد حاجة غريبة في الميه… كان دليل إن الهدية اللي جوزي جابهالي وابتسم وهو بيقدمهالي، وراها سر أكبر بكتير مما كنت أتخيل. والأخطر من كده، إني بدأت أفتكر كل مرة خالد كان بيسألني فيها عن بيت جدتي، وكل مرة كان بيحاول يقنعني إني أبيعه.
لكن قبل ما أقدر أفهم الحقيقة، سمعت صوت خطوات خالد جاي من ناحية المطبخ! الفصل الثانى خطوات خالد كانت تقترب من المطبخ بخطوات ثقيلة وبطيئة، وصوته وهو لسه نص نايم بينادي عليا: — مريم.. إنتِ صاحية بدري كده ليه؟
بتحضري الفطار؟ الدـ,ـم جمد في عروقي، وبصري كان مسمار في الإزازة اللي على الرخامة. اللي شفته جوه الإزازة مكنش مجرد تغير في لون الميه.. السلسلة الدهب اللي جيبها خالد، ورقة الشجر اللي فيها بدأت تتقشر الطبقة الخارجية بتاعتها كأنها مجرد قشرة رقيقة، وظهر تحتها معدن تاني أسود، والميه تحولت للون غريب, والأهم من ده كله.
. إن كان فيه قطرة سائلة صغيرة لامعة متجمعة فوق التعليقة، ريحتها النفاذة بدأت تطلع من فتحة الإزازة الصغيرة. ريحة.. لوز مر! عقلي ربط الأحداث في ثانية واحدة.. السم الأبيض، الزرنيخ أو السيانيد اللي ملوش طعم ولا ريحة قوية لو اتخفف كويس، بس الميه ومفعول الإزازة كشفوا الطبقة الخادعة اللي بره.
خالد مكنش بيحبني.. خالد كان عايز يتخلص مني! تخلص نهائي عشان يورث بيت جدتي اللي رافضة أبيعه، وبما إننا متجوزين ومفيش عيال، فهو الوحيد اللي هيورث البيت ويهديه أو يبيعه بالملايين اللي حلم بيها! قبل ما خالد يمد إيده ويفتح باب المطبخ، كنت اتحركت بسرعة البرق.
. فتحت الحنفية، كبيت الميه بالسم وراها، ورميت السلسلة جوه سلة المهملات وغطيتها بكيس تاني، وجريت وقفت قدام البوتاجاز وفتحت علبة الشاي بحركة مرتبكة شوية، وقلبي بيدق بجنون كأنّه هيطلع من ضلوعي. دخل خالد المطبخ وهو بيفرك عينه، وقال بنعس: — صباح الخير.. مالك واقفة كده ليه وشك أصفر؟
فيت ليه وبكل ما أوتيت من قوة وثبات، حاولت أبتسم وأقول بصوت مترتجف: — صباح النور يا خالد.. لا أبداً، قمت أشرب لقيت ريقي ناشف، ودماغي دايخة شوية. قرب مني بحنان مصطنع وحط إيده على كتفي وقال: — سلامتك يا حبيبتي..
طب اسألي نفسك، وبلاش شغل الشغل ده اللي بيرهقك، و, وبالمناسبة، إيه رأيك في السلسلة امبارح؟ مش لبستيها ليه لحد دلوقتي؟ ده أنا كنت حابب أشوفها في رقبتك! عيني جت في عينه.. لأول مرة أشوف في عيون جوز السنين دول نظرة طمع وبرود مرعب.
حسيت بوجع فظيع في قلبي، بس الغضب كان أكبر بكتير. ابتسمت ببرود وقولت له بهدوء: — السلسلة غالية أوي يا خالد، و’الست العجوزة’ اللي قابلتها في الأتوبيس قالت لي نصيحة غالية.. قالتلي “أوعي تلبسي حاجة تجيلك من حد مبيحبكش بجد”.. وأنا صدقتها.
وش خالد اتخطف في لحظة، ولونه اصفر، وبلع ريقه بصعوبة وقال بصوت متهدج: — ست.. ست إيه دي؟ إنتِ بتقولي إيه؟ — بقولك، ست عجوزة فتحت عيني على حاجات كتير.. ومن ضمنها إن فيه ناس بتبيع اللي تحبهم عشان شوية فلوس ومشاريع فاشلة!
سكت خالد تماماً، وبصلي بنظرة وحش كشفت عن مخالبه.. خلاص، القناع سقط، ومبقاش فيه داعي للتمثيل. الفصل الثالث: الانتقام الذكي ومفاجأة بيت الساحل خالد مبقاش يحاول يخبي.. التوتر بقى سيد البيت، وبدأ يضغط عليا بطرق تانية أخبث، زي إنه يهددني، أو يقولي إن توكيل البيت القديم لو كان معايا فهو هيقدر يخليني أمضي غصب عني بطرق قانونية أو يشتكيني بحجج واهية.
بس أنا مكنتش مريم الضعيفة اللي كانت بتصرف عليه وتسكت. أول حاجة عملتها، إني نزلت الشغل ورجعت على قسم الشرطة.. حكيت للظابط على كل حاجة، ومعايا عينات من السلسلة اللي طلعتها من الزبالة وغسلتها كويس، والتحاليل أثبتت إنها فعلا كانت مطلية بمادة سامة قـ,ـاتلة بتسبب أزمات قلبية مفاجئة من غير ما تسيب أثر واضح للتشـ,ـريح العادي!
الشرطة طلبت مني أسايره عشان يقع في التلبس.. وفعلاً، بدأت أعمل نفسي مستسلمة، وقلت له: — خلاص يا خالد.. أنا تعبت، وأنا وافقت.. بيع البيت، وأنا هكتب لك التوكيل بكرة. طاش من الفرحة، وطار عقله من كتر المكسب السريع اللي هيجيله.
وحددنا بكرة الصبح عشان نروح الشهر العقاري ونخلص إجراءات البيع، وهو طبعاً كان مجهز عقود مزورة أو محامي مزيف عشان يضمن الفلوس كلها تدخل حسابه هو لوحده. تاني يوم الصبح، صحينا بدري. خالد كان في قمة سعادته، وجهز العربية، وركبنا مع بعض، وكان باصص للقدام كأنه شايف الملايين قدام عينه.
سألته وأنا هادية جداً: — مبتحلفش إنك نادم يا خالد؟ مبتحاولش تفتكر الـ 8 سنين اللي عشناهم سوا؟ بصلي بابتسامة سمجة وقال: — بلا حب بلا كلام فاضي يا مريم.. الفلوس هي اللي بتعيش دلوقتي، ومش خسارة فيا عشر سنين تعب! سكت ومردتش عليه. العربية دخلت طريق الساحل الشمالي..
استغربت وسألته: — إحنا رايحين الشهر العقاري في الإسكندرية ولا فين؟ إيه جابنا هنا؟ ضحك بضحكة شريرة وقال: — الشهر العقاري في المدينة، بس أنا حبيت نيجي الأول بيت جدتك عشان أخد مقاسات الرفع المساحي للمكان، والمشتري الجديد قاعد هناك مستنينا عشان نقبض المقدم! وصلنا عند بيت جدتي.. الجنينة الصغيرة، والجراج القديم.
نزلت من العربية مع خالد، وفتحت باب البيت البسيط بالمفتاح. دخلنا الصالة.. وهنا كانت المفاجأة اللي خالد مكنش عامل حسابها نهائي! أول ما دخلنا، لقيت ظابط المباحث واثنين من أمناء الشرطة طالعين من أوضة الجلوس، ومعاهم المستندات الكاملة، ومعاهم “الست العجوزة” اللي قابلتها في الأتوبيس، ومطلعة بطاقتها وهي بتضحك وبتقول لخالد: — أهلاً يا ابن الحلال.
. نسيتني ولا إيه؟ أنا لواء شرطة متقاعد، وكنت راكبة الأتوبيس مراقبة تحركاتك أنت والشباب اللي زيك اللي بيمـ,ـوتوا مراتاتهم عشان الميراث! خالد اتجمد في مكانه، ووشه انقلب للون الأزرق من الصدمة، وبص لي ورجليه مبقتش شايلته وهو بيترعش: — إنتِ.. إنتِ كنتي عارفة؟!
بصيت له بكل قوة وقسوة، وقولت بصوت عالي ملا كل جدران البيت: — أه كنت عارفة.. وكنت أعرف من الأول إن اللى يسترجل على تعب مراته، يهون عليه يقـ,ـتلها عشان جدران حجرية.. بس بيت جدتي ده أطهر من إنه يتوسخ بفلوس حرام، وبيت الكلب انتهى هنا يا خالد!
الكلبشات اتقفلت في إيدين خالد، واتسحب برا البيت وهو بيبص وراه بندم أعمى، بينما أنا وقفت في جنينة بيت جدتي، تنفست هوا البحر العليل، وحسيت أخيرًا إن روحي رجعت لي، وإن حق جدتي وحقي رجعوا تلات أضعاف.




