
وإنكم استفدتوا.
قامت من مكانها وقالت
أيوه، وإيه المشكلة؟ أبوكي جاب جهاز لبنته، هو إحنا طلبنا منه يشتري لنفسه؟
قلت
بس حضرتك اللي فرضتي عليه كل حاجة.
ردت
وإنتِ جاية تحاسبيني؟
في اللحظة دي كريم دخل.
حماتي بدأت ټعيط وتقول
شايف يا كريم؟ مراتك بتتهمني إني استغليت أبوها!
بصلي كريم پغضب
إنتِ بتعملي إيه؟
قلت
أنا بقول الحقيقة.
رد
اعتذري لماما.
قلت
أنا معملتش حاجة تستاهل اعتذار.
قرب مني وقال بصوت عالي
يبقى لازم تتعلمي تحترمي أمي.
ومن يومها، بدأ يعاملني ببرود شديد.
بقى ينام بعيد عني، ويقضي أغلب وقته تحت مع أمه.
ولو طلبت منه نتكلم، يقول إنه تعبان.
وفي ليلة، قررت أعمل مفاجأة بسيطة لكريم، واشتريتله ساعة من فلوسي، وحطيتها في علبة على السرير.
لما رجع، فرح في الأول، لكن قبل ما يفتح الهدية دخلت حماتي.
شافت العلبة وسألت
إيه ده؟
قلت
هدية لكريم.
أخدتها وفتحتها، وبصت للساعة وقالت
دي غالية؟
قلت
مش قوي.
ردت
كان الأولى توفري فلوسك وتجيبي لابننا حاجة مفيدة.
كريم أخد الساعة وقال
حلوة يا مريم، تسلمي.
لكن حماتي قالت
طب وأنا؟ إنت جبت لمراتك هدية وأنا أمك مش بتجيبلي حاجة؟
كريم بصلي وقال
خلاص يا مريم، هاتي لماما زيها.
حسيت إن حتى الهدية اللي جبتها لجوزي لازم تتحول لمصلحة حماتي.
قلت
أنا جبتها لكريم من فلوسي، ولو حضرتك عايزة ساعة ممكن كريم يجيبهالك.
حماتي قامت وقالت
شايف يا كريم؟ أنا قلتلك من الأول إن البنت دي أنانية.
وفي اليوم اللي بعده، اكتشفت إن حماتي دخلت أوضتي وفتحت شنطة دهبي.
كانت بتقلب في الشبكة، ولما سألتها بتعملي إيه، قالت
بشوف الشبكة اللي ابني جابهالك.
قلت
ليه؟
قالت
عايزة أستلف الغويشتين يومين، عندي مناسبة.
افتكرت الغويشتين اللي لبستهم في الفرح، وقلت
بس دول شبكتي يا طنط.
ردت ببرود
ما هو ابني اللي جابهملك، يعني مش غريب.
قلت
حتى لو كريم اللي جابهم، هما حقي.
ضحكت وقالت
بقى ليكي حق عليا كمان؟
وفي نفس الليلة، عرفت إن كريم هو اللي قالها تاخد الغويشتين.
واجهته، فقال
ماما هتلبسهم في مناسبة وترجعهم.
قلت
طب ليه ما قلتليش؟
رد
هو لازم أستأذنك في كل حاجة؟
قلت
أيوه، دي شبكتي.
قال
إنتِ بقيتي مادية بشكل مستفز.
الكلمة دي وجعتني.
أنا اللي أبويا باع جزء من دهبه القديم عشان يجيبلي جهاز، واللي عمرها ما طلبت من جوزها جنيه زيادة، بقيت مادية عشان رفضت أدي دهبي لحماتي من غير إذني.
وفي اليوم التالي، الغويشتين اختفوا.
سألت حماتي، قالت إنها رجعتهم مكانهم.
لكن لما فتحت العلبة، ملقتهمش.
كريم قال إن أمه مش هتكدب.
سكت، وبدأت أحس إن فيه حاجة غلط.
بعدها بكام يوم، حماتي دخلت عليا وأنا في المطبخ وقالت
مريم، عايزاكي في كلمتين.
قلت
اتفضلي.
قالت
أنا شايفة إنك مش مرتاحة هنا.
قلت
ليه بتقولي كده؟
قالت
عشان كل يوم مشكلة، وكل يوم شكوى، وأنا مش عايزة ابني يعيش في نكد.
قلت
أنا مش بعمل مشاكل، أنا بس عايزة أعيش مع جوزي.
ردت
طيب، يبقى اسمعي الكلام.
قلت
كلام إيه؟
قالت
الشقة دي هتفضى لأني هحتاجها، وإنتوا ممكن تنزلوا تعيشوا معايا في شقتي اللي تحت.
اټصدمت.
يعني إيه؟
قالت
يعني أنا هستخدم شقتكم، وإنتوا هتعيشوا معايا.
قلت
بس دي شقتنا اللي اتفرشت بجهاز أبويا.
قالت
الجهاز بتاعك تقدري تنقليه لو عايزة، لكن الشقة ملكنا.
بدأت أفهم إن الموضوع مش مجرد تدخلات.
دي كانت خطة من البداية.
حماتي كانت عايزة تسيطر على كل حاجة، حتى المكان اللي هعيش فيه.
لما كريم رجع، سألته عن الموضوع.
قال بمنتهى الهدوء
ماما محتاجة الشقة، وإحنا هننزل عندها فترة.
قلت
يعني إيه محتاجة الشقة؟
قال
هتشرحلك بعدين.
قلت
أنا مش هنزل أعيش في شقة فيها والدتك بتدخل وتخرج علينا طول اليوم.
رد
يبقى إنتِ مش عايزة تعيشي معايا.
بصيتله وقلت
إنت بتخيرني بينك وبين حياة طبيعية؟
قال
أنا مش هسيب أمي.
قلت
ولا أنا طلبت منك تسيبها.
لكن كريم خرج وسابني.
في الليلة دي، اتصلت بأبويا.
أول ما سمع صوتي عرف إني بعيط.
قال
مالك يا بنتي؟
حاولت أتماسك، لكن صوتي خانني.
حكيتله كل حاجة، من يوم الفرح لحد موضوع الشقة والدهب.
فضل ساكت شوية.
وبعدين قال
إنتِ عايزة إيه يا مريم؟
قلت
عايزة أعيش مع جوزي في بيتنا، من غير ما حد يتحكم في كل نفس باخده.
قال
طيب، أنا جاي بكرة.
قلت
لا يا بابا، متكبرش الموضوع.
رد
أنا مش هكبر حاجة، أنا بس عايز أفهم.
تاني يوم، أبويا جه ومعاه عمي.
قعدوا مع كريم وحماتي.
أبويا بدأ الكلام بهدوء
أنا يا مدام نادية جهزت بنتي على قد ما أقدر، وجبت كل اللي حضرتك طلبتيه، ومطلبتش منكم حاجة غير إن بنتي تعيش مرتاحة.
حماتي ردت
وإحنا مقصرناش معاها، دي عايشة في بيت عيلة محترم.
أبويا قال
الاحترام مش بالشكل، الاحترام بالمعاملة.
كريم اتدخل
يا عمي، ماما ست كبيرة، ومريم مش عارفة تتعامل معاها.
أبويا بصله وقال
يا ابني، هي مراتك، مش خدامة عند أمك.
حماتي قامت من مكانها وقالت
إحنا مش هنقبل إن حد يعلمنا نعيش إزاي في بيتنا.
أبويا رد بهدوء
أنا مش جاي أعلم حد، أنا جاي أطمن على بنتي.
وبعدين بص لكريم وقال
إنت بتحب مريم؟
كريم قال
طبعًا.
أبويا سأله
طيب ليه مش بتديها حقها؟
كريم اتعصب وقال
أنا مش مقصر معاها، بس هي عايزة تبعدني عن أمي.
أبويا قال
لو كنت راجل عادل، مكنتش هتحط مراتك في منافسة مع أمك من الأساس.
المقابلة خلصت من غير نتيجة.
لكن قبل ما أبويا يمشي، حماتي قالت جملة عمرها ما هنساه.
قالت
بنتك لو مش عاجبها نظامنا، الباب يفوت جمل.
أبويا وقف، وبص لها طويلًا، وقال
أنا مش هرد عليكي دلوقتي، لكن افتكري إن البنت اللي دخلت بيتكم بكرامتها، لازم تخرج منه بكرامتها برضه.
ومشي.
بعدها كريم اتغير أكتر.
بقى يقفل باب الأوضة لما يتكلم في التليفون، وحماتي بقت تخبي عني أي كلام بينهم.
وفي يوم، كنت بنضف الصالة، سمعت صوتها وهي بتتكلم مع بنتها هالة.
قالت
أنا خلاص رتبت كل حاجة، كريم هيخلص موضوع الشقة، وبعدها نشوف هنرجع الجهاز لمين.
هالة قالت
بس مريم ممكن تعمل مشكلة.
حماتي ردت
تعمل اللي تعمله، إحنا معانا كريم.
قلبي وقع.
رجعت أوضتي، وبدأت أدور على أوراق الجهاز والفواتير اللي أبويا كان سايبها عندي.
كنت محتاجة أفهم هما ناويين يعملوا إيه.
وبالصدفة، لقيت ورقة مطبوعة في درج مكتب كريم.
كانت عبارة عن اتفاق بينه وبين أمه بخصوص نقل بعض الأجهزة والأثاث لشقة تانية.
وفي آخر الورقة كان مكتوب اسم شخص غريب.
اتصلت بأبويا، وقلتله إني لقيت الورقة.
قاللي
صوريها وابعتها لي.
عملت كده.
بعد ساعة، اتصل بيا وقال
مريم، إنتِ متأكدة إن كريم عارف بالورقة دي؟
قلت
مش عارفة، بس الورقة في مكتبه.
قال
خلي بالك من نفسك، ومتوقعيش على أي ورقة، ومتتنازليش عن أي حاجة.
في نفس الليلة، كريم دخل الأوضة وقال
مريم، عايزك تمضي على شوية ورق.
سألته
ورق إيه؟
قال
إجراءات تخص الشقة.
قلت
أنا مش همضي على حاجة قبل ما أفهم.
اتعصب
إنتِ بقيتي تشكي فيا؟
قلت
أنا بس عايزة أعرف.
قال
ماما قالت إنك لازم تمضي عشان نخلص الموضوع.
قلت
أنا مش همضي.
خد الورق من إيدي وقال
براحتك، بس متجيش بعد كده تقولي إني مخبي عنك حاجة.
خرج من الأوضة.
بعدها بساعتين، حماتي دخلت عليا وقالت
إنتِ فاكرة نفسك ذكية؟
قلت
مش فاهمة.
قالت
الورق اللي شفتيه مش من حقك تدخلي فيه.
قلت
ده متعلق بحاجات أبويا اللي اشتراها.
ردت
أبوكي اشترى حاجات لابننا، والحاجات دي بقت في بيت ابني.
قلت
الجهاز بتاعي، والفواتير باسمي.
ضحكت وقالت
إنتِ لسه فاكرة إن ليكي حاجة هنا؟
وبعدين قربت مني وقالت بصوت واطي
اسمعي يا مريم، أنا مش هسمحلك تاخدي ابني مني، ولا هسمحلك تفتكري إنك صاحبة البيت.
في اللحظة دي دخل كريم، وسمع كلامها.
قلتله
كريم، أنا تعبت.
رد ببرود
يبقى بطلي مشاكل.
وفي اليوم التالي، حصلت حاجة ما كنتش متوقعاها.
كنت نازلة أجيب حاجة من السوبر ماركت، ولما رجعت لقيت باب الشقة مفتوح، وحماتي مع اتنين من الصنايعية بيفكوا دولاب الأوضة!
صړخت
إنتوا بتعملوا إيه؟
حماتي قالت
هننقل الدولاب تحت.
قلت
مين قالكم تفكوه؟
ردت
أنا صاحبة البيت.
قلت
الدولاب ده أبويا اللي جايبهولي.
قالت
والبيت بيتي.
طلبت من الصنايعية يوقفوا شغلهم.
حماتي بدأت تصرخ
إنتِ بتطردي الناس




