روايات وقصص

روايه كاملة

جوه سراية الجبالية

أول ما العربية وقفت والرجالة شالوا عزيز لجوه، صرخات الحاجة زينب زلزلت حيطان السرايا.

يا ولدي! سبع الليل اتصاب! يا حرجة قلبي عليك يا عزيز! يا خراب بيتي!

هجمت الحاجة زينب على درة اللي واقفة في ركن بتترعش، وإيديها وهدومها كلها أثر. مسكتها من كتفها بقسوة وهزتها بعنف:
إنتي السبب! من مېته ما عتبتي السرايا دي وإنتي جايبة معاكي الخراب والأثر! قولتهالو بلاش الأرملة، بلاش المجللة بالسواد، دي وش النحس! جتلتي ولدي يا درة، خليتيهم ياذوا كبير الجبالية!

درة مانطقتش بكلمة. كانت في صدمة، وعينيها متسمرة على باب الأوضة الخشب اللي قفلوه على عزيز، بعد ما دخل دكتور البلد ومعاه جراح كبير جابوه من البندر على ملى وشه. درة ماحستش بإهانة الحاجة زينب، كل اللي بيلف في دماغها هو مشهد عزيز وهو بيلف جسمه عشان ياخد الحدث مكانها. فداها بروحه! الطاغية المغرور، العمدة اللي كانت فاكرة إن مالوش قلب، خلى صدره درع يحميها بيه.

روايه درة الجبالي بقلمي نور محمد ر

بعد ساعتين عدوا كأنهم قرنين، طلع الدكتور وهو بيمسح العرق من على جبينه. جريت عليه درة والحاجة زينب في نفس اللحظة.

طمني يا حكيم، ولدي زِين؟ عساه بخير؟ سألت الأم بقلب مخلوع.

اتنهد الدكتور وقال: نحمدوا المولى يا حاجة.. الإصابة كانت جريبة جَوي من شريان رئيسي في الكتف الشمال، بس ربنا ستر وعدت على خير. إحنا طلعنا الإصابة ووجفنا الأثر، وهو دلوقتي تحت تأثير البنج. هيعوز راحة تامة، وممنوع الحركة واصل لحديت ما الموضع يلم.

الحاجة زينب وقعت على الكرسي تحمد ربنا، ودرة رجعت لورا، سندت ضهرها على الحيطة وخدت نفس طويل لأول مرة من ساعات. حست كأن جبل وانزاح من على صدرها.

أنا هدخل أطمن عليه. قالت درة بصوت واطي بس قاطع.

قامت الحاجة زينب وقفت في طريقها: إنتي مش هتعتبتي باب أوضته واصل! وجودك جاره بيجيبله الأذية والمَرَض.

درة رفعت عينيها، ولأول مرة من يوم ما اتجوزته، نظرتها ماكانتش شايلة التحدي الغاضب بتاع كل مرة، دي كانت شايلة إصرار من نوع تاني.. إصرار واحدة بتدافع عن حقها.

عزيز جوزي يا حاجة.. وهو اللي خد الإصابة مكاني، ومحدش في السرايا دي كلياتها هيمنعني أكون جاره. وسعي من طريجي.

درة عدت من الحاجة زينب اللي وقفت مذهولة من طريقتها، ودخلت الأوضة وقفلت الباب وراها بهدوء.

الأوضة كانت هادية، مفيش فيها غير صوت أنفاس عزيز المنتظمة. كان نايم على السرير الواسع، عريان من فوق، وكتفه الشمال ملفوف بشاش أبيض. درة قربت بخطوات بطيئة.

سحبت كرسي وقعدت جنبه. فضلت تتأمل ملامحه الرجولية القاسية اللي لانت مع النوم. غمضت عينيها، والذاكرة رجعتها لجوزها المرحوم صالح. كانت فاكرة إن قلبها غاب معاه، وإنها عمرها ما هتحس بالخوف أو العاطفة ناحية أي راجل تاني. بس اللي حصل النهاردة زلزل كيانها. إزاي راجل ماتعرفوش غير من كام يوم، راجل غصبها على الجواز، يقدر يهد حصونها بالسرعة دي؟

رفعت إيديها اللي بتترعش، ومن غير ما تحس، مشيت صوابعها بنعومة على خصلات شعره الأسود التقيل اللي نازل على جبينه.

ليه عملت إكده يا عزيز؟ همست بصوت مخنوق بالدموع، ليه تفديني بروحك وإنت خابر زِين إني بكرهك؟ ليه تخلي قلبي يوجعني عليك إكده؟

عشان مبحبش أشوف حاجة تخصني تتنضر واصل…

درة اتنفضت مخضوضة وسحبت إيديها بسرعة، لقت عيون عزيز الصقرية مفتوحة، بتبصلها بنظرة عميقة، غامضة، وشايلة آلاف الكلمات. ورغم التعب الواضح في صوته المبحوح، نبرة التملك ماسابتهوش.

إنت.. إنت فُجت؟ اتلجلجت درة ووشها بيطلع نار من الكسوف لإنها اتقفشت وهي بتلمسه وبتعيط عليه.

عزيز حاول يتعدل في قعدته، بس اتوجع ومسك موضع تأثره.

خليك مرتاح، الحكيم جال ممنوع الحركة واصل! قالتها بلهفة ووطت عليه عشان تسند ضهره بالمخدات بالراحة.

كانت قريبة منه جداً، وشها على بُعد سنتيمترات من وشه، وعطرها الطبيعي المختلط بريحة الخوف ملى حواسه. عزيز ماقاومش سحر اللحظة. رفع إيده السليمة، وقبض على معصمها بضعف بس بإصرار، وخلاها تبطل ترتيب في المخدات.

بتعيطي عليا يا درة؟ سألها بصوت واطي، وعيونه بتخترق عينيها اللي بتدمع. خايفة عليا، ولا خايفة تترملي للمرة التانية؟

درة لفت وشها بعيد عشان تهرب من نظراته المهلكة، وقالت بصوت بيقطع:
أنا.. أنا بس صعب عليا إنك تتنضر بسببي. الإصابة دي كانت جيالي أنا.

عزيز أجبرها تبصله لما حط صوابعه الخشنة تحت دقنها ورفع وشها ليه:
الإصابة دي لو كانت صابتك، كانت هتجتلني أنا قبلك يا درة. أنا عزيز الجبالي، مابهابش الغياب، بس لما شوفت الغياب بيجرب منك.. قلبي هو اللي ارتجف من الخوف.

عيون درة وسعت من الصدمة باعترافه الجريء. هو بيعترفلها بالحب؟ العمدة اللي ميعرفش غير النزوة العابرة؟

إنت بتهته من تأثير البنج يا عمدة.. نام وارتاح.

حاولت تبعد، بس سحبها ناحيته أكتر بحركة مفاجئة، فاختل توازنها ووقعت بإيديها على صدره العريان السليم، وجسمها لامس جسمه.

شهقت درة وحاولت تقوم، بس دراعه السليم لف حوالين وسطها، وثبتها مكانها. قلبه كان بيدق بعنف تحت كفوفها، وأنفاسه السخنة بتضرب في وشها.

أنا واعي لكل كلمة بقولها. همس عزيز بصوت خشن، رجولي، دوب كل ذرة مقاومة جواها. أنا قولتلك، الأسود ده هيتقلع، وهتيجي لحضني برضاكي. واليوم، إنتي قطعتِ شالك الأسود بيدك عشان تداوي موضع تأثري.. يعني كلامي طلع صح يا درة.

أنفاسهم اتخلطت، والمسافة بين شفايفهم بقت شبه معدومة. درة حست بضعف شديد بيسري في جسمها. عيونه سحراها، ورجولته الطاغية، وريحة أثره اللي سال عشانها، كلها حاجات دمرت قلاعها. غمضت عينيها مستسلمة للحظة، مستسلمة للجاذبية اللي بتشدها ليه.

قرب عزيز أكتر، ولمس شفايفها برقة متعودتهاش منه، قبلة عميقة، شايلة مزيج من الوجع، العشق، والتملك. تسلب الروح وتعلن عن ولادة عهد جديد مفيش فيه مكان لذكرى صالح.

5 من 5التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى