عام

روايه كاملة

وحقوق ابنك، ومش عايزك تمضي على أي ورقة أو توافقي على أي حاجة قبل ما المحامي يشوفها.
وأنا بلم حاجتي من الأوضة، لفت نظري ظرف تاني مدفون تحت الدولاب.
انحنيت وأخرجته، وفتحته وأنا مستغربة وجوده.
لكن أول ما شفت الورقة اللي جواه، حسيت إن الصدمة لسه مخلصتش.
كان فيه صورة من عقد ملكية الشقة اللي اشتريناها بعد جوازنا، وكانت شقة مساحتها غرفتين وصالة.
فتحت الورقة وبدأت أقرأ التفاصيل.
لقيت إن الشقة مسجلة باسم أحمد لوحده!
افتكرت يوم ما اتفقنا نشتري الشقة من 3 سنين.
وقتها دفعنا مقدم 800 ألف جنيه، وكان 600 ألف منهم من مدخراتي اللي جمعتها قبل الجواز بشق الأنفس.
أحمد وقتها قال لي إن إجراءات تسجيل الشقة معقدة، وإن الأفضل نسجلها باسمه مؤقتًا، وبعد سنة نضيف اسمي في العقد.
كنت واثقة فيه، ووافقت من غير ما أشك لحظة إنه ممكن يخلّ بوعده.
عدت سنة، وبعدها سنتين، ودخلنا في السنة التالتة، وكل ما أفتح الموضوع كان يتهرب بحجة إن الإجراءات لسه مخلصتش.
كنت فاكرة إنه مجرد تأخير إداري.
لكن دلوقتي بدأت أفهم إن الموضوع ممكن يكون مقصود من البداية.
كملت تفتيش في الظرف، فلقيت كشف حساب بنكي باسم أحمد، خاص بحسابه الشخصي.
بدأت أقرأ البيانات، وفجأة وقعت عيني على إيداع بقيمة 350 ألف جنيه بتاريخ 12 مارس.
نفس اليوم اللي سحب فيه أحمد 90 ألف جنيه من حسابي!
وبعدها لقيت إيداع تاني بقيمة 250 ألف جنيه بتاريخ 21 مايو.
نفس اليوم اللي سحب فيه 92 ألف و جنيه من مدخراتي!
فضلت باصة لكشف الحساب وأنا مش مستوعبة.
يعني هو مش بس كان بياخد فلوسي ويصرفها على أهله، ده كمان كان بيستقبل تحويلات من والده في حسابه الشخصي، وبيخبيها عني!
ليه كان بيعمل كده؟
وليه كان بيخليني أصدق إن ظروف عيلته صعبة، وإننا مش قادرين نوفر مصاريف البيت، في الوقت اللي حسابه الشخصي بيدخله مبالغ كبيرة؟
بدأت أحس إن فيه حياة كاملة كان عايشها بعيد عني، وإن الجواز اللي كنت فاكرة إنه مبني على المشاركة والثقة، كان بالنسباله وسيلة يستفيد بيها من فلوسي.
طلعت موبايلي، وصورت عقد الشقة، وكشف حساب أحمد، وسجل التحويلات من حسابي.
حرصت إن الصور تكون واضحة، وكل التواريخ والمبالغ ظاهرة فيها.
وبعدها جمعت أصول أوراقي وأوراق يوسف، وحطيتها في شنطتي.
أبويا دخل الأوضة وسألني
خلصتي يا مريم؟
قلت له
أيوه يا بابا، بس لقيت حاجة تانية لازم تعرفها.
وريته عقد الشقة وكشف الحساب.
قراهم بهدوء، وبعدها رفع عينه وبص لي.
قال بصوت غاضب لكنه متماسك
الراجل ده لازم يتحاسب على كل جنيه أخده منك. وإحنا مش هنسيب حقك يضيع.
قبل ما نخرج من الشقة، وقفت قدام الترابيزة وبصيت حواليّا للمرة الأخيرة.
المكان اللي كنت فاكرة إنه بيتي، واللي كنت بحاول أحافظ عليه وأعمل فيه حياة سعيدة لابني، بقى بالنسبة لي مجرد مكان مليان ذكريات مؤلمة وأسرار وخداع.
طلبت من أمي تستنى شوية، وجبت ورقة وقلم.
قعدت وكتبت رسالة قصيرة، وبعدها حطيتها على الترابيزة جنب كارت الصراف اللي كنت اتصلت بالبنك وطلبت إيقافه.
كتبت
اهتم بأمك وأخوك كويس، لأن دي مسؤوليتك إنت. أنا خلصت دوري ومسؤوليتي تجاهكم. ومن النهارده، محدش له حق في فلوسي ولا في حياتي.
راجعت الرسالة مرة أخيرة، وبعدها سيبتها مكانها.
خرجنا من الشقة، وقفلت الباب ورايا.
مكنتش عارفة إذا كنت هرجع للمكان ده تاني ولا لأ، لكن كنت متأكدة من حاجة واحدة مش هرجع لنفس الحياة اللي كنت عايشاها.
ركبنا عربية أبويا، وأمي قعدت جنبي، ويوسف كان في حضڼي.
طول الطريق كنت ببص من الشباك، وأفكر في كل اللي حصل خلال الشهور اللي فاتت.
كنت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى