
فاكرة إن أحمد مشغول عشان يجهز مستقبلنا، لكنه كان بيجهز مستقبل تاني بعيد عني، على حساب تعبي ومدخراتي.
الساعة 8 بالليل وصلنا بيت أهلي في المنصورة.
أمي أخدت يوسف مني عشان أقدر أرتاح شوية، وأبويا دخل يجهز لي الأوضة.
حسيت أخيرًا إني في مكان آمن، ومش مضطرة أبرر لأي حد تعبي أو أطلب منه يحترم ظروفي بعد الولادة.
لكن الهدوء ده مفضلش كتير.
الساعة 9 بالليل، بدأ موبايلي يرن من غير توقف.
كان أحمد بيتصل مرة ورا مرة.
بصيت للشاشة، ولقيت 15 مكالمة فائتة منه.
مكنتش محتاجة أرد عشان أعرف هو اكتشف إيه.
بعدها وصلتني رسالة
مريم، إنتِ فين؟! إيه اللي حصل؟ ليه الدولاب فاضي؟ وإيه حكاية إن كارت الصراف اتوقف؟ ردي عليّا فورًا!
قرأت الرسالة، وقفلت الموبايل من غير ما أرد.
لأول مرة، مكنتش خاېفة من غضبه، ولا مستنية أعرف هيقول إيه عشان أرضيه.
أنا خلاص عرفت الحقيقة.
تاني يوم الصبح، كنت قاعدة في الصالة مع أمي، ويوسف نايم في سريره الصغير، لما سمعنا صوت عربيات بتقف قدام البيت.
بصيت من الشباك، واټصدمت لما شفت أحمد نازل من العربية، ومعاه أمه وأبوه.
حماتي كانت شايلة الطفل المولود، ووشها باين عليه الإرهاق.
أبويا قام من مكانه وخرج ناحية البوابة قبل ما حد منهم يدخل.
وقف قدامهم وقال
خير؟ عايزين إيه؟
رد والد أحمد
إحنا جايين نتكلم مع مريم. عايزين نفهم هي سابت البيت ليه ومشيت بالشكل ده.
أبويا رد بهدوء حازم
الكلام مع بنتي هيكون باحترام، ومحدش هيدخل البيت ڠصب عننا.
في اللحظة دي، خرجت أنا كمان.
كنت لابسة لبس مرتب، وشكلي هادي رغم كل اللي جوايا.
أحمد أول ما شافني، قرب مني بسرعة وقال بعصبية
إنتِ إيه اللي عملتيه ده يا مريم؟! تمشي من البيت من غير ما تقوليلي؟ وتسيبي ماما مستنيانا؟!
وبعدين كمل وهو بيشاور ناحية أمه
ماما كانت مستنياكي تعمليلها الملوخية والفراخ، وكانت محتاجة مساعدتك. إزاي تسيبيها في الظروف دي؟
بصيت له باستغراب، وقلت
إنت لسه بتتكلم عن الأكل والخدمة؟!
قال بانفعال
أيوه! إنتِ مراتي، وكان المفروض تساعديني بدل ما تعملي كل المشاكل دي!
رديت عليه بصوت واضح
أنا مش خدامة عند عيلتك يا أحمد، ومش مسؤولة عن رعاية أمك وأخويا الصغير، خصوصًا وأنا لسه خارجة من عملية ولادة من كام يوم.
صړخ في وشي
أنا جوزك! ودي عيلتي! ومن مسؤوليتك تساعديهم!
بصيت له مباشرة وقلت
تساعدهم؟ ولا تسرقني؟
الكلمة نزلت عليه زي الصاعقة.
سكت لحظة، وبعدين حاول يتكلم
إنتِ بتقولي إيه؟ سړقة إيه بس؟!
مديت إيدي وجبت الملف اللي كنت مجهزاه، وفتحته قدامهم.
قلت
بص يا أحمد، أنا عندي كل الأدلة. 230 ألف و جنيه اتسحبوا من حسابي من غير إذني، وكل مرة كنت بتقول لي إن الفلوس لعلاج والدتك أو والدك أو لمصاريف البيت.
رفعت كشف الحساب قدامهم وكملت
لكن الحقيقة إن الفلوس دي اتحولت لحساب والدك، واتصرفت على مصاريف ولادة أمك وتجهيزاتها، والحمل اللي فضلتوا مخبيينه عني 9 شهور!
وش حماتي شحب فجأة، وبصت لأحمد، وبعدها بصت لجوزها.
واضح إنها مكنتش متوقعة إني عرفت التفاصيل كلها.
أحمد حاول يدافع عن نفسه وقال
دي فلوس بيتنا يا مريم! وإحنا متجوزين، يعني اللي معاكي معايا!
هزيت رأسي وقلت
لا يا أحمد، دي مدخراتي الشخصية، وأنا اللي تعبت فيها قبل وبعد الجواز. وإنت أخدتها من غير إذني، وقلت لي أكاذيب عشان أوافق أديهالك.
وبعدين طلعت الورقة التانية.
وده مش كل حاجة. أنا كمان شفت كشف حسابك الشخصي.
أحمد اتجمد مكانه.
كملت
لقيت تحويل من والدك لحسابك بقيمة 350 ألف جنيه يوم 12 مارس، نفس اليوم اللي سحبت




